პოლონეთის ეროვნული ნაკრებისა და მიუნხენის "ბაიერნის" ფორვარდი, რობერტ ლევანდოვსკი ახლო მომავალში, შესაძლოა, მადრიდის "რეალის" რიგებში ვიხილოთ.

გავრცელებული ინფორმაციების თანახმად, რომელიც კარლ-ჰაინც რუმენიგეს მიერ დადასტურდა, ლევანდოვსკი მადრიდულ გრანდში თამაშითაა დაინტერესებული.

თავად "რეალის" პოზიციას რაც შეეხება, ზიდანმა უკვე არაერთხელ განაცხადა, რომ "ბლანკოსი" ფორვარდის ძიებაშია, ლევანდოვსი კი ამ პრობლემის აღმოსაფხვრელად იდეალური ვარიანტია.

ცნობილი გამოცემის, AS-ის ცნობით, ლევანდოვსკის აგენტები მადრიდული გრანდის წარმომადგენლებთან მოლაპარაკებებს აწარმოებენ.

ზემოთ აღნიშნულის თანახმად, დიდია ალბათობა, რომ მსოფლიოს ერთ-ერთი საუკეთესო ფორვარდი, მომავალ სატრანსფერო ფანჯარაზე, მადრიდის "რეალს" სოლიდური თანხის სანაცვლოდ შეუერთდეს.