შეარჩიეთ ფერი სწორად

ოთახის ფერი ვიზუალურად ცვლის გარემოს. მაგალითად, ღია ტონების წყალობით პატარა ოთახი შესაძლოა დიდი გამოჩნდეს. ბოლო დროს სახლებში პოპულარული გახდა ბეჟის და მისი ტონების გამოყენება, მაგრამ მხოლოდ ამ ფერით ინტერიერი ვერ გახდება სრულყოფილი. გამოიყენეთ და შეუხამეთ ცისფერი, ლავანდისფერი, ნაცრისფერი და მისი ელფერები. ინტერიერი უფრო გაკეთილშობილდება და ახლებურ იერს შეიძენს.

გააკეთეთ მკვეთრი აქცენტები

თქვენი ინტერიერის მშვენებად შესაძლოა ერთგვაროვანი ინტერიერის ფონზე გაკეთებული მკვეთრი აქცენტი გახდეს. იქნება ეს: ბალიშები, ხალიჩა თუ დივანი. ერთი სიტყვით, ნებისმიერი ნივთი. აქცენტის დასმა არა მხოლოდ ღია ფერით, არამედ გეომეტრიული ფიგურებით და აბსტრაქტული სახეებითაც შეგიძლიათ.

ნუ შეუშინდებით ექსპერიმენტებს

ექსპერიმენტში შეგიძლიათ არა მხოლოდ ავეჯი ჩართოთ, არამედ მაგალითად, იატაკიც. მხოლოდ გახსოვდეთ, “აქტიური" იატაკის ფონზე სხვა დანარჩენი ნეიტრალური ფერის უნდა იყოს, რომ საბოლოო ჯამში ექსტრავაგანტური “ნარევი" არ მივიღოთ.

შექმენით სივრცე

ინტერიერში სივრცის შექმნა მხოლოდ ღია ფერებით როდი შეგიძლიათ. გამოიყენეთ დიდი სარკეები ოთახის ვიზუალურად გასაზრდელად.

შეარჩიეთ სწორი განათება

რაც უფრო კარგი განათებაა-მით უკეთესი. შეგიძლიათ რამდენიმე სანათი ერთდროულად გამოიყენოთ:ჭაღი, ბრა, ტორშერი და ა.შ.

ნუ დაივიწყებთ დეკორსაც

თამამად გამოიყენეთ ინტერიერში ცოცხალი მცენარეები. ისინი ნებისმიერ სათავსოს გაახალისებენ.

გამოიყენეთ რბილი გადასაფარებლები, ფერადი ბალიშები, აბსტრაქტული სურათები, ღია ფერის ლარნაკები, დაწნული კალათები ხილით და სხვ.

ნუ გადაამლაშებთ

საუკეთესო არჩევანია-სწორი, ტრადიციული ჭერი. ყოველგვარი შეკიდული “საოცრებებისა" და ფიგურების გარეშე.

ერთადერთი, რაშიც შეგიძლიათ გადაამლაშოთ, საწოლია

საწოლი-მეფური უნდა იყოს. გამოიყენეთ პლედი, ბევრი ბალიში, რბილი ხალიჩა საწოლთან...

გახსოვდეთ, საწოლი კომფორტული უნდა იყოს, ისეთი, რომ მისი დანახვისას ყოველთვის წამოწოლა გინდებოდეთ.