ადამიანებს ხშირად ემართებათ უცნაურობანი. ეს ფიზიკური თუ

ფსიქოლოგიური მოვლენების უმეტესობა ამჟამად უკვე შესწავლილია

და საკუთარი დასახელებები გააჩნია. ამგვარი მოვლენები უცხო არ

ყოფილა ცნობილი მწერლებისთვის, ხელოვანებისთვის და სწავლულე-ბისთვის, რომელთაც დაიმახსოვრეს და აღწერეს თავისი გამოცდილება.

გავეცნოთ რამდენიმე მათგანს.

სტენდალის სინდრომი-ამ სინდრომს ახასიათებს თავბრუსხვევა,

გულისცემის აჩქარება, გულის წასვლა, ხანდახან ჰალუცინაციებიც კი,

როდესაც ადამიანი იმყოფება ხელოვნების ნიმუშების, ან განსაკუთრე-

ბული სილამაზის გარემოცვაში. სინდრომს სახელი ეწოდა ცნობილი ფრანგი მწერლის საპატივსაცემოდ, რომელმაც ფლორენციაში ყოფნისას მიღებული ამგვარი გამოცდილება დაწვრილებით მოგვითხრო საკუთარ წიგნში.

პარიზის სინდრომი-თეორიულად, შეიძლება განუვითარდეს

ნებისმიერ ადამიანს, თუმცა ყველაზე ხშირად აღნიშნული ტერმინი

უკავშირდებათ იაპონელებს. პირველად სინდრომი აღწერეს 2004

წელს. იგი ეხება სასტიკ იმედგაცრუებას, რომელიც განიცადეს იაპო-

ნელმა ტურისტებმა პარიზის სტუმრობისას. პარიზის იდეალიზირე-ბული სახე, რომელსაც ქმნიდნენ მასობრივი ინფორმაციის საშუალებე-

ბი, კულტურულ შოკს იწვევდა ტურისტებში, რომელთაც ხვდებოდათ

ჭუჭყიანი ქუჩები და საკმაოდ უხეში, მოუთმენელი მოქალაქეები. ამ

მიზეზით ერთი წლის განმავლობაში დაახლოებით ოც იაპონელს აღე-

ნიშნებოდათ მწვავე ბოდვითი მდგომარეობა, დერეალიზაცია, დეპერ-

სონალიზაცია, შფოთვა და სხვა ფსიქიკური აშლილობები. ამ სინდრო-

მის მკურნალობის საუკეთესო საშუალებაა ინდივიდის სამშობლოში

დაბრუნება. ადელის სინდრომი-ასე უწოდებენ ყოვლისმომცველ, ხან-

გრძლივ სიყვარულით შეპყრობილებას, ავადმყოფურ ვნებას, რომელიც უპასუხოდ რჩება. სინდრომს სახელი მიანიჭეს ჰიუგოს ქალიშვილის,

ადელის საპატივსაცემოდ. ადელმა გაიცნო ინგლისელი ოფიცერი, ალ-

ბერტ პინსონი და გადაწყვიტა, რომ ის იყო მისი საოცნებო მამაკაცი.

სამწუხაროდ მისი სიყვარული უპასუხოდ დატოვეს, მაგრამ ამის მიუ-ხედავად, ადელმა დატოვა სახლი, მოგზაურობდა იმ ქალაქებსა და

ქვეყნებში, სადაც გადაჰყავდათ ოფიცერი და თავს თვლიდა მის მეუღ-

ლედ. საფრანგეთში იგი განათავსეს ფსიქიატრიულ კლინიკაში, სადაც

გაატარა ცხოვრება უკანასკნელ დღემდე.

იერუსალიმის სინდრომი- თავს იჩენს მხოლოდ იერუსალიმში.

ტურისტი, რომელიც რელიგიური მიზნებით ჩამოდის ქალაქში, უეც-

რად გადაწყვეტს, რომ ფლობს ღვთიურ და წინასწარმეტყველურ ძა-

ლებს და მისი მისიაა, გადაარჩინოს სამყარო. ამ სინდრომს აუცილებ-

ლად ახასიათებს მეტყველებისა და მოძრაობების გადაჭარბებული

თეატრალურობა.

დორიან გრეის სინდრომი- ამ სინდრომით იტანჯებიან ის ადა-

მიანები, რომელნიც მთელ ძალისხმევას ხარჯავენ გარეგნული ახალ-

გაზრდობის შესანარჩუნებლად. ამ დროს ისინი იყენებენ ახალგაზ-

რდულ ატრიბუტებსა და ტანსაცმელს, თუმცა უარეს შემთხვევებში მი-

მართავენ პლასტიკურ ქირურგიასა და კოსმეტიკურ საშუალებებს. აღ-

ნიშნულ აშლილობას შეუძლია განავითაროს დეპრესია, ზოგ შემთხვე-

ვაში კი ადამიანი მიჰყავს თვითმკვლელობამდე.

მანიაკალური სინდრომი- აღნიშნავს მდგომარეობას, რომე-

ლიც ხასიათდება მაღლებული განწყობით, ფსიქიკური და ფიზიკური

აგზნებით. ამ სინდრომის მქონე ადამიანებს ახასიათებთ ცოცხალი მი-

მიკა, ჩქარი ემოციური მეტყველება და ენერგიული მოძრაობა, რაც

გარშემომყოფთ აფიქრებინებთ, რომ საქმე აქვთ აქტიურ, ენერგიულ,

კომუნიკაბელურ ადამიანთან. თუმცა დროთა განმავლობაში ამგვარი

მდგომარეობიდან გადადიან დეპრესიაში, ან უძლიერდებათ სიმპტომე-

ბი, რაც აშლილობას ხდის შესამჩნევს.