- მე ყოველთვის აღტაცებული ვიყავი მითრიდატეთი, რომის დაპყრობას რომ აპირებდა, მაშინაც კი როცა ის უკვე ძლეული იყო და გასაქცევად ემზადებოდა.

- პარტია, რომელსაც ძალუძს საყრდენი ჰპოვოს მხოლოდ საზღვარგარეთული ხიშტების სახით, განწირულია დამარცხებისთვის.

- ჭეშმარიტი მონარქი, რომელსაც ომი სურს, მას არ გაურბის, ხოლო როცა აიძულებენ იომოს, მან დაუყოვნებლივ უნდა იშიშვლოს ხმალი, სწრაფად და ენერგიულად უნდა განახორციელოს თავდასხმა, თორემ მთელი უპირატესობა მოწინააღმდეგის მხარეს გადავა.

- ჩვეულებას უამრავ უგუნურებამდე მივყავართ. ყველაზე მიუტევებელია იქცე მის მონად.

- ფრანგებს სიდიადე უყვართ ყველაფერში, მათ შორის, გარეგნულ იერშიც.

- სწრაფვა იმისკენ, რომ ბატონობდე შენს მსგავსთა გრძნობებზე, კაცობრიობის ერთ-ერთი ყველაზე მძაფრი ვნებაა.

- მეფეებს არ აკლიათ ადამიანები, რომლებიც პოულობენ შემთხვევას მათ შეეპასუხონ. მე არასოდეს არ ვუშვებდი ამას. ექიმი საჭიროა იმისთვის, რომ ციებ-ცხელება განკურნოს, და არა იმისთვის, რომ მასზე სატირა დაწეროს. წამალი გაქვთ? მომეცით. თუ არა, ხმა გაკმინდეთ.

- ეგვიპტეში გადასვლისას მე გამაკვირვა იმან, რომ ეგვიპტელთა ოდინდელი სიდიადისგან დამხვდა მხოლოდ პირამიდები და წიწილების შესაწვავი ბუხრები.

- ჩემი მმართველობისას მე ვიგონებდი ახალ, მანამდე უცნობ ზომებს, მაგალითად, პრემიებს, რომლებსაც ვანიჭებდი ყოველ მეათე წელს. ხომ საჭირო იყო ღირსეულად დამეჯილდოვებინა მისი ძალისხმევა, ვინნაც სრულქმნილებას მიაღწია თავის ხელობაში.

- ძველ საბერძნეთში შვიდი ბრძენი ცხოვრობდა; ახლანდელ ევროპაში კი ერთიც არ ჩანს.

- ნებისმიერი ერის საზოგადოებრივი წესრიგი ადამიანთა არჩევანს ემყარება, რომელნიც მოწოდებულები არიან მხარი დაუჭირონ მას.

- ყველაზე საოცარი გამოგონებანი ისინი როდია, რომლებითაც შეეძლო ეამაყა ადამიანის გონს: აღმოჩენათა უმრავლესობა ინსტინქტისა და შემთხვევითობის შედეგია და სრულიადაც არა - ფილოსოფიის.

- ფრანგების ეროვნული ღირსების გრძნობა ყოველთვის ფერფლქვეშ ბჟუტავს. საჭიროა მხოლოდ ნაპერწკალი მის გასაღვივებლად.

- მას აქეთ, რაც თვითონ ხალხები გამოვიდნენ ბრძოლის ველზე, უკვე შეუძლებელი შეიქნა დაქირავებული არმიის ყოლა.

- უფრო ადვილია ქმნიდე კანონებს, ვიდრე მალავდე მათ.