ეს ამბავი, ახალი წლის წინ, პოლტავაში (უკრაინა) მოხდა. 20 წლის სტუდენტი გოგონა სახლიდან გავიდა და ავტოსაგზაო შემთხვევის დროს დაშავდა. მას მანქანა დაეჯახა და მძღოლმა, იმის ნაცვლად, რომ სავადმყოფოში წაეყვანა, ჩადენილი დანაშაულის დასაფარად და «ნივთმტკიცებულების» გასაქრობად, მძიმე მდგომარეობაში მყოფი მსხვერპლი ტყეში წაიყვანა და იქ დატოვა.
იმ პერიოდში, გოგონა ნათესავებთან ცხოვრობდა და როდესაც სახლში დროზე არ დაბრუნდა, ოჯახმა ნერვიულობა დაიწყო. ამას ისიც დაემატა, რომ გოგონა ტელეფონზეც არ პასუხობდა. ამიტომ, ნათესავებმა პოლიციას მიმართეს.
მაშინვე დაიწყო ძებნა, რომელიც სულ 6 საათი გაგრძელდა და იმით დასრულდა, რომ პოლიციაში ბენზინგასამართი სადგურის თანამშრომელმა დარეკა. როგორც გაირკვა, მასთან გოგონა მივიდა თავის ტრამვით, ზედა სამოსის გარეშე (სავარაუდოდ, ქურთუკი მძღოლმა გახადა, რომ გაყინულიყო). მას მეხსიერება ჰქონდა დაკარგული და მხოლოდ ის ახსოვდა, რომ როდესაც გონზე მოვიდა – ტყეში იყო და სახეს ძაღლი ულოკავდა.

როგორს აღმოჩნდა, სასიკვდილოდ განწირული გოგონა უპატრონო ძაღლმა იპოვა და მანამდე დარჩა მასთან, ვიდრე ის გონზე არ მოვიდა. ძაღლი მის გვერდით დაწვა და ასე ათბობდა ზამთრის ცივ დღეს.

როგორც პოლიციის თანამშრომელმა ოლეგ ბეხმა განაცხადა: «გოგონა სიკვდილს მხოლოდ იმიტომ გადაურჩა, რომ ის ძაღლმა იპოვა».

ძაღლები – ძალიან ერთგული მეგობრები არიან და მათთვის ღალატი უცხოა. ისინი მზად არიან უცნობ ადამიანებსაც აღმოუჩინონ დახმარება, მხოლოდ იმიტომ, რომ სხვანაირად არ შეუძლიათ!

P. S. რაც შეეხება დამნაშავე მძღოლს, ის ვერ იპოვეს და დღემდე დაუსჯელი არის.