უამრა ადამიანს უყვარს ცხოველები და მათ შორის, კატებიც. საერთოდ, ცხოველებისადმი სიყვარულის მიხედვით, ადამიანები შეიძლება ორ ჯგუფად დავყოთ: არიან ძაღლების მოყვარულები და კატების მოყვარულები. თუმცა, ვისაც კატები უყვარს, შესაძლოა, არც კი დაფიქრებულა, თუ რით დაიმსახურეს ამ ცხოველებმა მათი ადამიანების ესოდენ დიდი და განსაკუთრებული სიყვარული.

კატები – საოცარი ქმნილებები არიან, რამდენ სიამოვნებას გვანიჭებს მათზე დაკვირვება, მათი მონაწილეობით, ვიდეორგოლების ნახვა, როგორ სიხარულს და ბედნიერებას ანიჭებს მათზე დაკვირვება პატარებს!

კატები უდიდეს სიხარულს გვანიჭებენ და დიდ როლს თამაშობენ ჩვენს ცხოვრებაში.

ისინი ძალიან მხიარული და ჭკვიანი ცხოველები არია, მარტივად ეგუებიან ყველანაირ პირობებს, სწრაფად სწავლობენ და განსაკუთრებულ ყურადღებას და მოვლას არ საჭიროებენ.

კატები დამოუკიდებლები არიან. ისინი, ძაღლების მსგავსად, არ ითხოვენ პატრონებისგან ყურადღებას, შესანიშნავად გრძნობენ პატრონის განწყობას და ზედმეტად არასდროს აწუხებენ მას.

კატებს დამოუკიდებლად შეუძლიათ საკუთარი, ქვიშის ტუალეტით სარგებლობა. მათ უნიტაზითაც შეუძლიათ სარგებლობა, თუ ჩვენ ცოტაოდენ ძალისხმევას გამოვიჩენთ და ვასწავლით, თუ რა და როგორ უნდა გააკეთონ.

კატებს გასეირნება არა სჭირდებათ. ისინი ამ მხრივაც დამოუკიდებლები არიან. ჩვენს გარეშეც მშვენივრად სეირნობენ და ყოველთვის სახლში ბრუნდებიან.

კატები კარგად ეწყობიან ბავშვებს და მაშინაც კი, როდესაც თამაშის ხასიათზე არ არიან, თავს არიდებენ ბავშვებთან ურთიერთობას და უბრალოდ მიდიან. კატა არასდროს მიაყენებს ზიანს პატარას.

ისინი ჩუმი ცხოველები არიან. რა თქმა უნდა, ხანდახან კნავიან, ხან ხანგრძლივად და დაჟინებით, მაგრამ ეს გამონაკლისია და იმის მანიშნებელია, რომ ცხოველს რაღაც უჭირს. ჩვეულებრივ მდგომარეობაში, კატები ჩუმად არიან და ზედმეტად ხმას არ გამოსცემენ.

კატები ძალიან სუფთა ცხოველები არიან. ისინი გამუდმებით ილოკავენ ბეწვს და სუნი საერთოდ არა აქვთ.

იმ შემთხვევაში, თუ პატრონს არ უნდა კატის გარეთ გაშვება, კატას შეუძლია სახლში ან ბინაში წლების მანძილზე ცხოვრება ისე, რომ გარეთ საერთოდ არ გავიდეს. ამ შემთხვევაში, ის არასდროს დაავადდება სხვადასხვა დაავადებით, არ გაუჩნდებათ ტილი და რწყილი.

კატები – ნადირობისთვის არიან დაბადებულები. ისინი მხოლოდ თაგვებზე კი არა, ბუზებზე, ობობებზე და სხვა სახის მწერებზეც ნადირობენ. მათთვის ხომ ნადირობა – თამაშია, რაც დროის საუკეთესოდ გატარებს ნიშნავს.

კატები ძალიან მხიარული და ხალისიანი ცხოველები არიან. ისინი ყოველთვის გვართობენ თავიაანთი ქცევით. გარდა ამისა, ძალიან გულადები, ჭკვიანები და ცნობისმოყვარეებიც არიან და ამიტომ, ხშირად ხდებიან სხვადასხვა სახალისო ისტორიის გმირები.

ისინი წარმოუდგენლად მგრძნობიარენი არიან. მათ ყოველთვის ზუსტად იციან, თუ როგორ ხასიათზე ვართ და რა უნდა გააკეთონ ჩვენს დასამშვიდებლად, ტანჯვის ან ტკივილის შესამსუბუქებლად.
და ეს მხოლოდ ნაწილია მიზეზებისა, თუ რატომ გვიყვარს ჩვენ ეს საოცარი არსებები.