-რა აქციაა, ნეტა, რაღაც ფერები გაუშვეს, -ერთმანეთს ეკითხებოდნენ აღმაშენებლის გამზირზე მდებარე ერთ-ერთი ბუტიკის კონსულტატი გოგონები. აშკარად არც ერთმა არც ერთმა არ იცოდა
-არ ვიცი, რაღაც ფერები გაუშვეს.-პასუხობს მეორე
-დაჩაგრული ქალების მარშია -უხსნის მყიდველი ქალბატონი
მსვლელობა თანდათან უახლოვდებოდა მარჯანიშვილის მოედანს. მარშისტებს შორის იყვნენ მამაკაცები, ტრანსგენდერი და ლესბოსელი ქალებიც. მონაწილეები აჟღერებდნენ ლოზუნგებს : “სოლიდარობა მიგრანტებს“ “არა ძალადობას“ “ ქალზე ძალადობა დანაშაულია .
სიტყვით გამოვიდნენ ბაია პატარაია, თათა ცოფურიშვილი და არასამთავრობო სექტორის სხვა წარმომადგენლები. მათ ყურადღება გაამახვილეს სექსიზმის, ქალებზე ძალადობის, რასიზმის, ქსენოფობიის, ბავშვთა ჩაგვრისა და ბავშვზე ძალადობის ტენდენციებსა და მედიის როლსა და შესაძლებლობებზე ამ პრობლემატიკის წინაშე. მათ მედიას მოუწოდეს, რომ ადამიანებს, რომლების ფაშიზმის პროპაგანდით, სიძულვილის ტირაჟირებით არიან დაკავებული, გამოხატვის შესაძლებლობა შეუზღუდონ, რაც გამოხატვის თავისუფლების შეზღუდვას არ ნიშნავს ., ვინაიდან გამოხატვის თავისუფლებასა და სიძულვილის ტირაჟირებას შორის დიდი ზღვარია
თათა ცოფურიშვილმა ხაზი გაუსვა საქართველოს ტოლერანტულ წარსულს. გაიხსენა, რომ საქართველოში ლიბერალიზმი მეცხრამეტე საუკუნეში ჩაისახა და, რომ ჩვენ დიდხანს ვიცხოვრეთ სხვა ეთნიკურ ჯგუფებთან თუ კონფესიებთან ჰარმონიაში .