ალჟირელმა მამაკაცმა ორი წლის ბიჭუნა მაღლივი კორპუსის აივნიდან გადმოკიდა, თან სურათი გადაიღო და ფეისბუქზე განათავსა წარწერით:"1000 ლაიქი, თორემ ხელს გავუშვებ."

ფოტო სოციალურ ქსელში მყისვე ვირუსული გახდა მომხარებელთა აღშფოთებული კომენტარებით.ვინც ნახა ეს ფოტო თითქმის ყველა მოითხოვდა ავტორის დაკავებას და სათანადოდ დასჯას.

ალჟირულმა ბავშვთა დაცვის ორგანიზაცია NAD-მა მალევე დაადგინა ფოტოს ავტორი, იგი აღმოჩნდა ბიჭუნას ბიძა, რომელიც კომუნა ბაბ ეზუარში ცხოვრობს ქალაქ ალჟირის გარეუბანში.

18 ივნისს მამაკაცი დააკავეს, ხოლო ერთი დღის შემდეგ გაიმართა სასამართლო.ახალგაზრდა მამაკაცს 2 წლიანი ციხე მიესაჯა.

მამაკაცი ამტკიცებდა, რომ ეს ყველაფერი გათამაშება იყო და არშემდგარი ხუმრობა, სინამდვილეში ბავშვი ფანჯარაზე არ გადაუკიდია, თუმცა სასამართლომ არადამაჯერებლად მიიჩნია ბიძის არგუმენტები, ექსპერტიზამაც უმალ დაადგინა ფოტოების იდენტურობა და განაჩენი ძალაში დატოვა.