მალე კიევში უკრაინელი ინჟინრებისა და დიზაინერების მიერ შექმნილ სუპარკარ "ქიმერას" წარმოადგენენ.

დღეისთვის მხოლოდ სუპერკარის ზუსტი ზომის მაკეტი არსებობს, მაგრამ შემქნელები გვპირდებიან, რომ მათი ავტომანქანა გააოცებს სუპერკარების მოყვარულებს. მათი მიზანია გახდნენ Bugatti – ის და Pagani – ის კონკურენტები.

უკრაინაში წარმოებული სუპერკარი აღიჭურვება ელექტროძრავითა და განსაკუთრებული ბატარეებით, რომლებიც არა მარტო სიჩქარის სწრაფ აკრეფას უზრუნველყოფენ, არამედ ერთი დამუხტვით დიდ მანძილს გაივლიან. სხვა მონაცემებს მწარმოებლები ჯერჯერობით არ ახმაურებენ.

სავარაუდოდ ავტომობილის ელოქტროძალური დანადგარი 4 ელექტროძრავისაგან შედგება, რომელთა საერთო სიმძლავრე 1 000 ცხენისძალა იქნება. ეს საშუალებას მისცემს მანქანას 100 კმ/სთ სიჩქარე 3 წამში აკრიფოს.

ჰიმერა ერთერთ ევროპულ ქარხანაში აიწყობა, თუმცა არ გამორიცხავენ მათ უკრაინაში დამზადებასაც, თუკი საამისო შესაძლებლობა ქვეყანაში იქნება. მანქანის ფასი დაახლოებით 700 000 ევროა.