ადამიანთა უმრავლესობა ფიქრობს, რომ სისხლში შაქრის მაღალი შემცველობა მხოლოდ დიაბეტით დაავადებულებს აღენიშნებათ. ეს მცდარი აზრია, ნებისმიერ ადამიანს შეიძლება აღენიშნებოდეს შაქრის მაღალი დონე, რაც ნერვულ სისტემას, სისხლძარღვებს და სხვადასხვა ორგანოებს აზიანებს.


იმისთვის, რომ თავიდან აიცილოთ გართულებები, მნიშვნელოვანია დროულად მიაქციოთ ყურადღება შემდეგ სიმპტომებს:


გამუდმებით გშიათ

შაქრის მაღალი შემცველობისას გლუკოზა უჯრედებში ვერ ხვდება, ორგანიზმი ენერგიას ვერ იღებს და გამუდმებით გთხოვთ საკვებს.


დაღლილობა

როგორც უკვე ვთქვით, ორგანიზმი გლუკოზას ვერ ითვისებს და ენერგიის წყაროს გარეშე რჩება, ამიტომ ადამიანი თავს ხშირად უმიზეზოდ დაღლილად გრძნობს


ხშირი შარდვა

თუ შაქრის დონე მაღალია, თირკმელები მას ვერ ატარებენ. ორგანიზმი ცდილობს სისხლში და უჯრედებში გლუკოზის დონე გაათანაბროს, სისხლში შიდაუჯრედულ სითხეს ურევს და ასე ცდილობს შაქრის დონის დარეგულირებას. შედეგად, ძლიერდება შარდვა.

სიმშრალე პირში, წყურვილი
პირის სიმშრალე და წყურვილი სითხის დაკარგვის საპასუხოდ ჩნდება. ამ დროს უმჯობესია უარი თქვათ წვენებზე და მხოლოდ წყალი დალიოთ.


წონის დაკარგვა

შაქრის მაღალი დონის დროს ხდება მოკლე დროში წონაში სწრაფად კლება, იმ შემთხვევაშიც კი, თუ მაღალკალორიულ პროდუქტებს მიირთმევთ.


ინფექციური დაავადებები
საშარდე გზების ინფექციები და სოკოვანი ინფექციები ორივე სქესში გვხვდება, მაგრამ უმეტესად ქალებშია გავრცელებული. შაქრის მაღალი შემცველობა ხელსაყრელ გარემოს ქმნის ინფექციებისთვის.


კანის სიმშრალე

კანის სიმშრალე შესაძლოა შაქრის მაღალი დონით იყოს გამოწვეული. ხშირი შარდვა და სითხის დაკარგვა კანის გამოშრობას იწვევს.


კონცენტრირების პრობლემა
როგორც აღვნიშნეთ, შაქრის მომატებული დონის შემთხვევაში უჯრედები გლუკოზას ვერ ითვისებენ, მათ შორის ტვინის უჯრედებიც, რაც უარყოფითად აისახება მეხსიერებასა და აზროვნებაზე.


არამკაფიო მხედველობა
არამკაფიო, დაბინდული მხედველობა გაუწყლოების შედეგია, რასაც შაქრის მაღალი შემცველობა იწვევს.


ჭრილობა გვიან ხორცდება

გამომწვევი მიზეზი სისხლძარღვების დაზიანებაა, შაქრით გამოწვეული კიდევ ერთი პრობლემა.


იმპოტენცია

ერექციის პრობლემები შესაძლოა მომატებული შაქრის ფონზე განვითარდეს.


გაღიზიანება

ის ადამიანები, რომელთაც შაქრის მაღალი დონე აღენიშნებათ, ადვილად ღიზიანდებიან და დეპრესიისადმი არიან მიდრეკილნი.