ტუბერკულოზი საშიში ბაქტერიული დაავადებაა. მას იწვევს რამდენიმე სახეობის მიკობაქტერია. ტუბერკულოზი უმეტესად აზიანებს ფილტვებს, იგი მეოცე საუკუნემდე განუკურნებელი დაავადება იყო.

ტუბერკულოზის გამომწვევი მიკობაქტერია შეიძლება იყოს ჩასუნთქულ ჰაერში, ნახველის წვეთებში, ჭურჭელში და სხვ. ტუბერკულოზი არამარტო ამ გზებით ვრცელდება, არამედ მტვრის დახმარებითაც. ნესტიან ადგილებში, სადაც მზის სხივები ვერ სწვდება, ტუბერკულოზი დიდი ხნის განმავლობაში ცოცხლობს. მშრალ, ცხელ ადგილებში ისინი მალე იღუპებიან.

ტუბერკულოზის გამომწვევი ბაქტერია შეიძლება ადამიანის ორგანიზმში მოხვდეს, მაგრამ თუ ადამიანი ჯანმრთელია და კარგად იკვებება, ეს ბაქტერია მისთვის საშიში არ არის. ტუბერკულოზს დღეს წარმატებულად მკურნალობენ, მაგრამ, უმჯობესია, დავიცვათ ჰიგიენის წესები, რათა თავიდან ავიცილოთ ეს დაავადება.

სტატიის ავტორი: ანდრია თოფჩიძე