რამდენად ხშირად იცვლით საღამურს? ისე სინამდვილეში, თუ გგონიათ, რომ ამას ხშირად აკეთებთ, ძალიან ცდებით, რადგან მაინც არ არის საკმარისზე მეტი. «Daily Mail»-ის გამოკითხვებით მამაკაცები საღამურს 13 დღეში, ხოლო ქალბატონები 17 დღეში ერთხელ იცვლიან. არ ვსაუბრობთ იმ გამონაკლისებზე, რომლებიც კვირაში ერთხელ იცვლით მას. გაგიკვირდებათ და ის იმდენად მალე ბინძურდება და საფრთხეს წარმოადგენს, ყოველ დღე უნდა ვიცვალოთ.

რა თქმა უნდა შიშველი ძილი ყველაზე კარგი გამოსავალია ჯანმრთელობისთვის, თუმცა მათ, ვინც მაინც საღამურით ძილს ამჯობინებთ, გაგიმხელთ იმ მიზეზებს, რის გამოც არავითარ შემთხვევაში აღარ უნდა ჩაიცვათ მეორე დღეს უკვე ნაცვამი.

● სტაფილოკოკები თითქმის ყოველთვის ცხოვრობენ ჩვენს კანზე. ეს ყველაზე გავრცელებული ბაქტერიებია, რომლებიც გვაქვს ცხვირისა და პირის ღრუში და არ წარმოადგენენ საფრთხეს სანამ მათი რაოდენობა მცირეა. თუ ყოველ ღამე გადაწყვეტთ ერთსა და იმავე საღამურში ძილს, მათი კოლონიები წარმოიქმნება. მაშინ კი მცირე ნაკაწრიც საკმარისი იქნება, რომ კანიდან შეაღწიონ ჩვენს სხეულში და გამოიწვიონ სასიცოცხლოდ საშიში ინფექციები.

● სახის თუ სხეულის კანზე უხვად გვაქვს ცხიმი, ბაქტერიები და კანის მკვდარი უჯრედები, რომლებიც სახის ფორებში თქვენი ძილის დროს მჭიდროდ ჯდება. შედეგად კი ფორებში ვითარდება ანთება, ზოგჯერ ცისტური ცხიმოვანი ჯირკვლები, რაც უკვე შემდეგ კარს ადვილად უღებს სხვა ბაქტერიებსა და ვირუსებს.

● მტვრის ტკიპები მიკროსკოპული არსებებია, რომლებიც ყველგანაა თქვენს სახლში. მათი თავიდან მოშორება ძნელია, თუმცა არსებობს ზომები, რომლის მეშვეობით თავს დააღწევთ მათ თქვენი საწოლიდან. ისინი მრავლადაა გამოსაცვლელ თეთრეულსა და განსაკუთრებით საღამურზე, რაც ღამით სუნთქვის გაძნელების მიზეზიც ხდება.

● საღამური შთანთქავს ოფლსა და კანიდან გამოყოფილ ცხიმებს. ძილის წინ მიიღოთ შხაპი და შემდეგ ჩაიცვათ უკვე ნაცვამი საღამური, ეს იგივეა რომ შრომა წყალში ჩაყაროთ, რადგან სუნიან ბაქტერიებს თქვენს სხეულზე კოლონიზაციის შანსს აძლევთ.

● უხარისხო და უძილო ღამეების ერთ-ერთი ძირითადი მიზეზი ბინძური საღამურია. სუფთა საღამური ხარისხიან და კომფორტულ ძილს უწყობს ხელს.

● ბინძურმა საღამურმა ასევე შეიძლება ალერგიული რეაქციები გამოიწვიოს. თუ ხართ ალერგიული, მაშინ თქვენი საღამური ყოველ ღამე უნდა გამოცვალოთ. ალერგიის, ასთმისა და სხვა რესპირატორული პრობლემების გამწვავების ალბათობა ძილში მეტია, შედეგად მძიმდება სუნთქვა, მიზეზი კი სწორედ რომ ბინძური საღამურია.

● თუ უმიზეზოდ დაგემართათ კუჭის აშლა ან გაციება, იმუნური სისტემის დაქვეითება, იცოდეთ, რომ ეს სტაფილოკოკების, ბაქტერიების, ცხიმოვანი გამონაყოფისა და იმ მკვდარი უჯრედების შედეგად წარმოქმნილი ბაქტერიებისა თუ მიკრობების დამსახურებაა, რომლებიც თქვენს საღამურში ცხოვრობენ.

P.S. ნუ დაზარდებით ყოველი ძილის წინ სუფთა საღამურის ჩაცმას, შედეგად კი ჯანმრთელობა და ხარისხიანი ძილი გარანტირებული გექნებათ. ჯანმრთელობას გისურვებთ!

იხილეთ აგრეთვე:

● რა მოგვივა თუ ტანს 2 დღე არ დავიბანთ? გაითვალისწინეთ

● სხეულის ყველაზე ბინძური ნაწილი, რომელიც შხაპის შემდეგაც ბინძური რჩება

● აი რატომ უნდა დაიძინოთ სულ შიშველმა

● სამოსი, რომელიც ზედიზედ ორჯერ არავითარ შემთხვევაში არ უნდა ჩაიცვათ