1963 წლის 16 იანვარს საბჭოთა ლიდერმა ნიკიტა ხრუშოვმა მსოფლიოს ამცნო, რომ საბჭოთა კავშირში შეიქმნა ახალი იარაღი – წყალბადის ბომბი.

კაცობრიობის ისტორიაში ყველაზე ძლიერი წყალბადის ბომბი ახალი მიწის პოლიგონზე ხრუშოვის გამოსვლამდე წლინახევრით ადრე ააფეთქეს. აფეთქების მთავარი მიზანი საბჭოთა სამხედრო ძლიერების დემონსტრირება იყო. იმ დროისათვის ამერიკაში შექმნილი თერმობირთვული ბომბი დაახლოებით ოთხჯერ სუსტი იყო საბჭოთა წყალბადის ასმეგატონიან ბომბთან შედარებით.

ბომბი ზღვის დონიდან 4200 მეტრის სიმაღლეზე აფეთქდა 188 წამის შემდეგ, რაც ის ბომბდამშენიდან ჩამოაგდეს. აფეთქების ღრუბელმა 67 კილომეტრ სიმაღლეს მიაღწია, ცეცხლოვანი სფეროს რადიუსი 4, 6 კილომეტრი იყო. აფეთქების ტალღამ სამჯერ შემოუარა დედამიწას, ხოლო ატმოსფეროს იონიზაცია 40 წუთის განმავლობაში ახშობდა რადიოკავშირს ასობით კილომეტრ რადიუსში. აფეთქების ეპიცენტრის ქვეშ დედამიწის ტემპერეტურა ისე გაიზარდა ქვები ფერფლად აქცია.