ფეხბურთი ჩეხეთის ნაკრების ყოფილმა ფეხბურთელმა 31 წლის ასაკში თავი მოიკლა 2017, 24 აპრილი, 16:20 ჩეხეთის ნაკრების ყოფილი და თურქეთის "გაზიანტეპსპორის" მცველი ფრანტიშეკ რაიტორალი გარდაცვლილი აღმოაჩინეს საკუთარ სახლში ქალაქ გაზიანტეპში. ჩეხმა ფეხბურთელმა დილის ვარჯიში გააცდინა, შემდეგ კი სახლში ჩამომხრჩვალი იპოვეს.პოლიციის მონაცემებით მკველელობის ნიშნები არ იკვეთება, რაც იმის მანიშნებელია, რომ ფეხბურთელმა სუიციდი განახორციელა, თუმცა როგორც თანაგუნდელები აღნიშნავენ, რაიმე პრობლემატური არ შეუმჩნევიათ რაიტორალის საქციელში. როგორც თურქული პრესა იუწყება, ჩეხი ფეხბურთელი ბოლო 9 წელიწადი ქრონიკული დაღლილობით იტანჯებოდა, რაც შესაძლოა თვითმკვლელობის მიზეზი გახდა. "გაზიანტეპსპორში" რაიტორალი 2016 წლის აგვისტოდან ირიცხება, თურქულ კლუბში სულ 12 მატჩში ითამაშა, ჩეხეთის ნაკრებში მის ანგარიშზე 14 მატჩია. 386 6-ს მოსწონს 1-ს არა
|