მოგზაურობა იმოგზაურე ევროპაში იაფად! 5 ყველაზე იაფი ქალაქი ტურისტებისთვის 2017, 8 აპრილი, 9:41 საქართველოს მოქალაქეებს ევროპაში უვიზოდ გადაადგილება შეეძლებათ, მას შემდეგ, რაც ევროკავშირის საბჭოს მიღებული გადაწყვეტილება ძალაში შევა. მათთვის, ვინც ევროპაში მოგზაურობას გეგმავს, გთავაზობთ 10 ყველაზე იაფ ქალაქს ტურისტებისთვის, სადაც დაგხვდებათ ულამაზესი გარემო და რაც მთავარია ხელმისაწვდომი ფასები.
1. სოფია, ბულგარეთი. სოფია კვლავაც დიდ კონკურენციას უწევს ევროპულ დედაქალაქებს ქალაქის ძალიან სასიამოვნო და ლამაზი ცენტრით, რომელიც უცხოელ ტურისტებს დიდი სიხარულითა და კეთილგანწყობით ხვდება. ქალაქში ფასები ძალიან დაბალია, გარდა თვითმფრინავით მგზავრობისა. სასტუმროსთვის (ყველაზე იაფი სასტუმრო - Hostel Mostel), ადგილობრივი ტრასნპორტისთვის, საჭმლისთვის, სასმლისა და ღირსშესანიშნაობების დათვალიერებისთვის, 1 დღის განმავლობაში დაგჭირდებათ სულ რაღაც 24.04 აშშ დოლარი. 2. კრაკოვი, პოლონეთი. მეორე ყველაზე იაფი ქალაქი ტურისტებისთვის, პოლონეთის ერთ-ერთი უძველესი და ულამაზესი ქალაქი კრაკოვია. ქალაქში უამრავი იაფფასიანი და ამავდროულად კომფორტული სასტუმრო, ბარი და რესტორანია. სასტუმროსთვის (საუკეთესო იაფი სასტუმრო - One World Hostel), ადგილობრივი ტრასნპორტისთვის, საჭმლისთვის, სასმლისა და ღირსშესანიშნაობების დათვალიერებისთვის, 1 დღის განმავლობაში დაგჭირდებათ სულ რაღაც 24.82 აშშ დოლარი. 3. ბუქარესტი, რუმინეთი. შეიძლება ბუქარესტი რუმინეთის ყველაზე ლამაზი ქალაქი არ იყოს, თუმცა გამორჩეული არქიტექტურული სტილი, ძველი და თანამედროვე კულტურათა ნაზავი, ტურისტებისთვის საკმაოდ მიმზიდველია. რაც ყველაზე მთავარია, ფასები აქაც შოკისმომგვრელად დაბალია. 1 დღის განმავლობაში, სასტუმროსთვის (საუკეთესო იაფი სასტუმრო - X Hostel Bucharest ), ადგილობრივი ტრასნპორტისთვის, საჭმლისთვის, სასმლისა და ღირსშესანიშნაობების დათვალიერებისთვის, დაგჭირდებათ სულ რაღაც 25.70 აშშ დოლარი. 4. ბელგრადი, სერბეთი. სერბეთის დედაქალაქი მთლიანობაში ცენტრალური ევროპის ქალაქებს ჰგავს. ქალაქი მრავალფეროვანი არქიტექტურით გამოირჩევა, თუმცა თვალისმომჭრელი ღირსშესანიშნაობების ნაცვლად აქ, ალბათ, საინტერესო და მყუდრო ქალაქური ცხოვრება უფრო მიგიზიდავთ. 1 დღის განმავლობაში, სასტუმროსთვის (საუკეთესო იაფი სასტუმრო - Downtown Hostel Belgrade ), ადგილობრივი ტრასნპორტისთვის, საჭმლისთვის, სასმლისა და ღირსშესანიშნაობების დათვალიერებისთვის, დაგჭირდებათ სულ რაღაც 26.17 აშშ დოლარი. 5. ბუდაპეშტი, უნგრეთი. მდინარე დუნაის ორივე სანაპიროზე მდებარე ქალაქში, ტურისტები უამრავ ლამაზ და სასიამოვნო ადგილს ნახავენ. ბუდას ციხე-ქალაქი, ბუდაპეშტის დიდი სინაგოგა, ლანცჰიდი, პარლამენტის შენობა, ვაროშლიგეტი - ეს ღირსშესანიშნაობათა მცირე ჩამონათვალია. რაც მთავარია, ამ ყველაფრის ნახვა, ძალიან იაფადაა შესაძლებელი. 1 დღის განმავლობაში, სასტუმროსთვის (საუკეთესო იაფი სასტუმრო - Treestyle Hostel ), ადგილობრივი ტრასნპორტისთვის, საჭმლისთვის, სასმლისა და ღირსშესანიშნაობების დათვალიერებისთვის, დაგჭირდებათ სულ რაღაც 26.75 აშშ დოლარი. 280 3-ს მოსწონს
|