წუხელ გიორგი გაბუნაის საავტორო გადაცემა "არჩევანში" ჭყონდიდის მიტროპოლიტმა მეუფე პეტრე ცაავამ განაცხადა, რომ სულხან მოლაშვილს დაკავების შემდეგ საცხოვრებელი სახლი ჩამოართვეს, ხოლო ეკონომიკის სამინისტრომ ეს სახლი საპატრიარქოს გადასცა, რომელიც № 3 -ად მოინიშნა.

მისივე განცხადებით ამ სახლში მსუბუქი ყოფაქცევის ქალები ცხოვრობდნენ, მან ამის შესახებ მოლაშვილის სიკვდილამდე რამდენიმე თვით ადრე გაიგო."ჰკითხეთ მის ცოლს(მოლაშვილის) და დაგიდასტურებთ"-აღნიშნა ცაავამ.

"ქალბატონი შორენას (იგულისხმება თეთრუაშვილი, პატრიარქის მდივან-რეფერენტი ) ერთ-ერთი "ოქროს თევზის"(გულისხმობს შორენასთან დაქვემდებარებულ მაღალ სასულიერო პირებს) მეშვეობით ადამიანი ცხოვრობდა, რომელიც თითქოს სოფლის მეურნეობას ეწეოდა და სინამდვილეში ამ სახლში ცხოვრობდნენ გამოძახებით მეძავი ადამიანები"-აცხადებს ცაავა.

ცაავამ ისიც დასძინა, რომ ამ სახლის არსებობის შესახებ და ისიც, რომ ის საპატრიარქოს გადაეცა, კათალიკოს-პატრიარქმა მხოლოდ სულხან მოლაშვილთან შეხვედრის შემდეგ გაიგო.

"სამწუხაროდ მოლაშვილი ვეღარ მოესწრო სახლის უკან დაბრუნებას"-აღნიშნა ჭყონდიდის მიტროპოლიტმა.