ევროპის ჩემპიონატის ჯგუფური ეტაპის B ჯგუფის პირველ მატჩში ჰოლანდიის ნაკრები დანიის ეროვნულ ნაკრებთან მინიმალური ანგარიშით დამარცხდა. შეხვედრის ერთადერთი გოლი 25-ე წუთზე გავიდა რომელიც “ბრონდბიუს" ნახევარმცველმა მიკაელ კრონ-დელიმ რაიწერა თავის ანგარიშზე, რომელმაც მარცხენა ფლანგზე ორი მცველი მოატყუა და ჰოლანდიელთა გოლკიპერს ბურთი ფეხებშუა გაუტანა.

თამაში ჰოლანდიელთა უპირატესობით კი წარიმართა, თუმცა მეტოქის კართან შექმნილი არაერთი სახიფათო ეპიზოდის მიუხედავად, ჰოლანდიელმა ფეხბურთელებმა გოლის გატანა ვერაფრით შეძლეს.
ჰოლანდიელებს, რომლებიც ტურნირის ერთერთ ფავორიტად არიან შერაცხულნი, მომდევნო შეხვედრები B ჯგუფში გერმანიისა და პორტუგალიის ეროვნულ გუნდებთან მოუწევთ. შეგახსენებთ რომ გერმანიამაც მინიმალური ანგარიშით სძლია პორტუგალიას.

საბოლოოდ პირველი ტურის შემდეგ B ჯგუფში შემდეგნაირად გადანაწილდა ქულები: პორტუგალიასა და ჰოლანდიას აქვთ 0 ქულა ხოლო დანიასა და გერმანიას 3-3 ქულა.