ესპანელმა სკულპტორმა, ხოსე მანუელ ლოპეს კასტრომ, წარადგინა თავისი ნამუშევრები, სადაც ქვები იწელებიან, იჭმუჭნებიან და ტირიან კიდეც. ხელოვანი მუშაობს ძირითადად კვარცთან და გრანიტთან და ირწმუნება, რომ ქვებთან მუშაობის პერიოდი მაგიითაა გაჯერებული: " მუშაობის დროს თავს იმდენად სკულპტორად არ ვთვლი, რამდენადაც დრუიდად. ჩემი ურთიერთობა ქვებთან ფიზიკური კი არა, ჯადოსნურია. მუშაობის დროს, მე ვლაპარაკობ ქვებთან და ამ დროს ჩვენ ერთმანეთს ვენდობით. ჩემი სკულპტურები უსიცოცხლოები არ არიან". ასეა თუ ისე, მისი ნამუშევრები მართლაც გაოცებასა და აღფრთოვანებას იწვევს.