წაბლი - ფოთოლმცვივან მერქნიან მცენარეთა გვარი წიფლისებრთა ოჯახისა. სახელწოდება ვრცელდება ასევე წაბლის ნაყოფზე, რომელსაც ეს უკანასკნელი გამოიმუშავებს. უმთავრესად გამოიყოფა წაბლის ოთხი ძირითადი სახეობა:ევროპული, ჩინური, იაპონური და ამერიკული წაბლი. გავრცელებულია ჩრდილოეთ ნახევარსფეროს სუბტროპიკულ და ზომიერ სარტლებში. სიმაღლეში იზრდება 50 მეტრამდე. საქართველოში ფართოდაა გავრცელებული კოლხეთში, აღმოსავლეთ საქართველოში იშვიათია. ქმნის წაბლნარებს და შერეულ ფართოფოთლოვან ტყეებს. წაბლნარი გავრცელებულია ზღვის დონიდან 300-1000 მ ფარგლებში. გვხვდება იმ რაიონებში, სადაც ზამთრის ტემპერატურა 0.3 °C, ზაფხულის 18-22 °C ფარგლებში მერყეობს და ნალექების რაოდენობა 700 მმ აღემატება.

კულტივირებულია სამხრეთ ევროპის ქვეყნებსა და აშშ-ში. წაბლის მერქანი მაგარი და გამძლეა. იყენებენ ავეჯისა და სახარატო წარმოებაში, მშენებლობაში. ქერქი და გულგული მდიდარია მთრიმლავი ნივთიერებებით, იყენებენ სამღებრო საქმეში. ნაყოფი გემრიელი საჭმელია. თაფლოვანი მცენარეა. უსისტემო ექსპლუატაციის გამო არეალი მკვეთრად შემცირდა, ამიტომ შეტანილია „საქართველოს წითელ წიგნში.“

გაიხსენეთ ბავშვობა და წაბლი, რომელიც ჩვენს ღუმელზე თითქმის ყოველდღი იწვებოდა და ასე გემრიელად მივირთმევდით. თანამედროვე ცხოვრებაში წაბლის მიღება კვლავ აქტიურად მიმდინარეობს, თუმცა ღუმელზე შემწვარი უკვე იშვიათად.

წაბლი შეიცავს უამრავ ვიტამინს და მინერალს. რაც ხელს უწყობს ცივ ამინდებში, ენერგიულ ცხოვრებასა და გონებრივ დატვირთვის მოხსნას.

წაბლი უხვად შეიცავს C - ვიტამინს და ნაკლებ ცხიმს. აქედან გამომდინარე, ვიტამინების შესანარჩუნებლად მის ბუნებრივ პირობებში შეწვა(ღუმელზე ან ბუხარში) რეკომენდებულია.

C ვიტამინის მხრივ, წაბლი სერიოზულ მეტოქეობას უწევს: ფორთოხალს, მანდარინს და გრეიფურტს. წაბლის უპირატესობას წარმოადგენს B1, B2-ვიტამინების უხვი მარაგი, რომელიც C-ვიტამინთან ერთად წაბლს საუკეთესოს ხდის.

წაბლი ეფექტურია ასევე კიბოს წინააღმდეგაც. იგი შეიცავს ფლავონოიდებს(ვიტამინი P), რაც ხელს უწყობს კიბოს განადგურებას.

წაბლი გარდა მნიშვნელოვანი ვიტამინებისა, აგრეთვე შეიცავს უმნიშვნელოვანეს მინერალებს. ესენია: რკინა, კალციუმი, ფოსფორი, მაგნიუმი, მანგანიუმი და თუთია.

პროფესორები გვირჩევენ! მიირთვით წაბლი! ყველანაირად დადებითი თვისებებით! ოღონდ ეცადეთ, რომ ბუნებრივ პირობებში მოხარშოთ ან შეწვათ!

სტატიის ავტორი: ალექსი აბდიევი