ლივერპულში ცოტაოდენი ხნის წინ ჩატარდა ყინულის ფესტივალი, სადაც სხვა ექსპონატებთან ერთად დიდი პოპულარობით სარგებლობდა ყინულისაგან შექმნილი კაბა.

რა თქმა უნდა, ამ კაბის ტარებას ვერავინ ვერ შეძლებს და მოახერხებს გარდა თოვლის დედოფლისა ცნობილი ზღაპრიდან.

ამ კაბას ვერასოდეს ჩაიცვამთ, რადგან ეს უბრალოდ ოსტატურად გაკეთებული სკულპტურაა მასით 700 კილოგრამი და სიმაღლით ორი მეტრი.

სკულპტურის შექმნას ოსტატმა დაახლოებით 40 საათი მოანდომა, ხოლო კაბის დიზაინით ჰოლივუდის ცნობილი დიზაინერი ფილიპ არმსტრონგი იყო დაკავებული.

ფოტომოდელი ლენი, რომელსაც მოუხდა კაბის უკან პოზირება იმ რაკურსით, თითქოს მას ნამდვილად ეცვა ეს კაბა, გადაღების შემდეგ გამოტყდა, რომ მიუხედავად გადაღების დროს მიღებული სიამოვნებისა, ყველაზე ბედნიერი ის მომენტი იყო, როცა მას ბოლოს და ბოლოს პალტო მოაცვეს და ცხელი ჩაი მიუტანეს.