ზოგადად, ნებისმიერი ფოტო მოგონებაა და მომავალში წარსულს გვიცოცხლებს. მაგრამ არის ისეთი ცხოვრებისეული მოვლენები, რომლებსაც განსაკუთრებული მნიშვნელობა აქვს თითოეული ჩვენთაგანისთვის, მათ შორისაა ქორწილი.
საქორწინო ცერემონიალის ერთ-ერთი აუცილებელი შემადგენელი ნაწილი, ფოტოსესიაა. ამიტომ არის, რომ დიდხანს ვარჩევთ ფოტოგრაფს, რომელიც ისეთ მნიშვნელოვან დღეს, როგორიც ქორწილია, თავის მხრივ კიდევ უფრო დაუვიწყარსა და შთამბეჭდავს გახდის ჩვენთვის. ამისათვის აუცილებელია ფოტოგრაფი, რომელსაც ამ დღის მემატიანედ ავირჩევთ, თავისი საქმის პროფესიონალი იყოს, რათა მთელი სიცხადით აღბეჭდოს თითოეული წამი ფირზე. ფოტოზე ასახული ხელის მოწერა, ჯვრისწერა, პირველი კოცნა ერთმანეთის წინაშე ერთგულების ფიცის დადების შემდეგ, საზეიმო ცეკვა - ისეთ მოგონებებს წარმოადგენს, რომელიც ცხოვრების ბოლომდე მიგვყვება.
ზოგჯერ, ჩვენს მიერ შერჩეული ფოტოგრაფები, იმდენად ბოლომდე შედიან როლში და თავისი საქმისთვის იმდენად თავდადებულები აღმოჩნდებიან ხოლმე, რომ მეტისმეტი კრეატიულობისგან საოცრად სასაცილო სიტუაციებს ქმნიან. ის, რომ მათი თავგანწირვა კადრზე არ აღიბეჭდოს, დანაშაულის ტოლფასი იქნებოდა.
ასე რომ, შემოგთავაზებთ იმ სახალისო კადრებს, სადაც მთავარ როლში, სწორედ ფოტოგრაფები გახლავთ და თავადაც დარწმუნდებით, რომ ისინი ნამდვილი შეშლილები არიან.