პაკისტანში ექიმები ორი ადგილობრივი მცხოვრების, ორი ძმის ფენომენს სწავლობენ

- ისინი მზის ჩასვლის შემდეგ სრულიად კარგავენ მოძრაობის უნარს.



პაკისტანის ერთ-ერთ ოჯახში იზრდება ორი ბიჭი, რომლებიც ძალიან განსხვავდებიან თანატოლებისგან. დღის მანძილზე 13 წლის აჰმედ შოაიბი და მისი 9 წლის ძმა აბდულ რაშიდი სწავლობენ სკოლაში ან მეგობრებთან ერთად ქუჩაში თამაშობენ, მაგრამ საღამოს დადგომასთან ერთად ისინი ვეგეტატიურ მდგომარეობაში ვარდებიან: განძრევა არ შეუძლიათ, ვერ აღებენ პირს და თვალებს.



მსოფლიოში ეს პირველი შემთხვევაა და ექიმები დიდი ინტერესით იკვლევენ მას. „მზის ბიჭუნები“, ასე შეარქვეს მათ ქვეყანაში, უფასოდ მკურნალობენ ისლამაბადის საავადმყოფოში; ამ დროისთვის 300-ზე მეტი ტესტია ჩატარებული, მაგრამ ორგანიზმის ასეთი უცნაური რეაქციის მიზეზი ჯერ ვერ იქნა ნაპოვნი.



ერთადერთი, რისი დადგენაც შეძლეს ექიმებმა - ეს მდგომარეობა სინათლესთან არავითარ კავშირი არაა. ექსპერიმენტის დონეზე ძმები ბნელ ოთახში მოათავსეს დღის განმავლობაში, მაგრამ ამან არავითარი ზეგავლენა არ მოახდინა მათ ქცევაზე. ამგვარად, მათი სხეული დღე-ღამის მონაკვეთზე რეაგირებს და არა განათებაზე.


პაკისტანელმა სპეციალისტებმა აიღეს იმ სოფლის ნიადაგის, წყლის და ჰაერის სინჯები, სადაც ეს უცნაური ოჯახი ცხოვრობს. ბიჭების სისხლის ნიმუშები საზღვარგარეთელ კოლეგებსაც დაუგზავნეს, მაგარამ ანალიზებმა არაფერი უჩვეულო არ აჩვენა.


ძირითადი ვერსია გენეტიკური ანომალიაა როგორც სისხლაღრევის შედეგი: ბიჭების მამა და დედა უახლოესი ნათესავები, ბიძაშვილები არიან. მათი პირველი ორი შვილი ჩვილობის ასაკში დაიღუპნენ, კიდევ ერთი შვილი, ჩვეულებრივი ცხოვრებით ცხოვრობს, ორი - საოცარი „მზის ბიჭუნები“, და მეექვსე შვილი, ერთი წლისაა,
რომელსაც The Express Tribune-ის მონაცემებით იგივე სიმპტომები აღენიშნება.



ექიმები აგრძელებენ კვლევას. უცნობია, შეძლებენ თუ არა ამოცანის ამოხსნას, მაგრამ სამედიცინო დახმარება ბავშვებს უკვე აღმოუჩინეს: სამკურნალო პრეპარატები ძმებს საშუალებას აძლევენ საღამოს აქტივობა შეინარჩუნონ და დასაძინებლად თავისი სურვილის მიხედვით დაწვნენ, და არა მოძრაობის ავტომატურად გათიშვის გამო, რაც
მანამდე ემართებოდათ.

იხილეთ ასევე:

1. საოცარი ტყუპები დაიბადნენ სან-დიეგოში

2. ცხოვრება ფსიქიატრიულ საავადმყოფოში.

3. ქაღალდით მიყენებული ჭრილობა რატომ იწვევს ასეთ ძლიერ ტკივილს?

4. აღმოჩენილია დაბერების საწინააღმდეგო წამალი!

5. სიამის ტყუპები ერთი სახით დაიბადნენ ინდოეთის შტატ გუჯარატში

6. სამეცნიერო ფაქტები სიყვარულზე და სექსზე!

7. შეხედეთ, ვინ წევს პატარას გვერდით!

8. უცნაური არსებების სხეულები აღმოაჩინეს ლონდონის ერთი მიტოვებული სახლის სარდაფში

9. მალაიზიაში დაიბადა თიკანი ადამიანის სახით!

10. ცნობილი ისტორიული მითები

11. თევზი-ფიზიონომისტები, კოსმოსური მუსიკა და თვის სხვა აღმოჩენები (2016 წლის ივლისი)