x
მეტი
  • 12.07.2020
  • სტატია:101458
  • ვიდეო:346682
  • სურათი:465375
როგორ განვასხვავოთ ხარისხიანი შოკოლადი უხარისხოსგან - აუცილებლად დაიმახსოვრეთ!
image


შოკოლადი, ყველასათვის საყვარელი ტკბილეულია, რომელიც განსაკუთრებით ბავშვებს ახარებს. იგი ერთადერთი ტკბილეულია, რომელზეც მთლიანად უარის თქმას დიეტოლოგებიც კი არ გვირჩევენ მისი სასარგებლო თვისებების გამო. მაგრამ იმისათვის, რომ შოკოლადისგან სარგებელი მივიღოთ, აუცილებელია ხარისხიანი პრიდუქტის, და არა ხელოვნური ნაწარმის, შეძენა. შოკოლადის მთელი ღირსება უკავშირდება მასში კაკაოს ზეთის არსებობას, რომელიც შეიცავს ბუნებრივ ანტიდეპრესანტებსა და სტიმულატორებს: ანტიოქსიდანტებს, ალკალოიდებს, პოლიფენოლებს. რაც მეტია კაკაოს ზეთის წილი შოკოლადში, მით უფრო ხარისხიანია პროდუქტი. ამ მხრივ ლიდერები არის მწარე (55%) და მუქი (40%) შოკოლადი. მაგრამ ამ პროცენტული მაჩვენებლის გამოვლენა მხოლოდ სპეციალური ექსპერტიზის საშუალებით არის შესაძლებელი, რაც ყოველდღიურ ცხოვრებაში არ გამოგვადგება.

შესაძლებელია თუ არა კარგი შოკოლადის არჩევა რთული ექსპერტიზის ჩატარების გარეშე? რა თქმა უნდა შესაძლებელია.
image

ამისათვის, პირველ რიგში აუცილებელია გავეცნოთ შეფუთვაზე მითითებულ შემადგენლობას: მასში კაკაოს ზეთის შემცვლელი ცხიმების რაოდენობა არ უნდა აღემატებოდეს 5%-ს. ეს ცხიმები, უკეთეს შემთხვევაში, არის პალმის ან რაფსის ზეთები, უარეს შემთხვევაში კი - ლაურინის მჟავაზე დამზადებული სინთეზური შემცვლელები. ამიტომ, თუ შეფუთვაზე მითითებულია დიდი რაოდენობით მცენარეული ზეთის (გარდა კაკაოს ზეთის!) შემცველობა, პროდუქტი საეჭვოა.

"ნამდვილი შოკოლადის გარჩევა შემცვლელი ზეთებით წარმოებული ანალოგისგან შეიძლება ლღობის ტემპერატურის საშუალებით, - გვირჩევს შოკოლადის სპეციალისტი ანა სტოიანოვა. - თუ ნამდვილი შოკოლადის ნატეხს რამდენიმე წამით მუჭში გავიჩერებთ, ის ლღობას დაიწყებს, რადგან კაკაოს ზეთის ლღობის ტემპერატურა არის 31˚С, "სინთეზურ" ფილას კი არაფერი მოუვა, რადგან შემცვლელი ზეთები უფრო მაღალ ტემპერატურაზე ლღვება."

ახლა კი დავაკვირდეთ შოკოლადს:

ნამდვილ შოკოლადს გლუვი და პრიალა ზედაპირი აქვს. გატეხვისას გაისმის ყრუ ხმა ("პალმის" ფილები უხმოდ ტყდება) და არ იფხვნება.
image
რაც ნაკლებია შოკოლადის შემადგენლობაში სტაბილიზატორი და არომატიზატორი, მით უკეთესია პროდუქტი.

მწარე შეკოლადის შემადგენლობაში ხშირად შეიძლება შეგვხვდეს სპირტი, კონიაკი და რომი - ისინი გემოს უფრო პიკანტურს ხდის, მაგრამ ამგვარი ფილით ბავშვებს ვერ გავუმასპინძლდებით.
image

"კლასიკური ტექნოლოგიების მიხედვით, შოკოლადის მომზადება ემულგატორების (როგორც წესი, ლეციტინის) გარეშე ძნელია - წყლის საფუძვლისა და კაკაოს პრუქტების შერევა მხოლოდ მათი არსებობით არის შესაძლებელი, " - ამბობს კვების ტექნოლოგიების დოცენტი, სვეტლანა სოლდატოვა.

ხოლო ანტიოქსიდანტების (როგორც წესი, ეს ასკორბინის მჟავაა) შემცველობა ახანგრძლივებს შოკოლადის ვადას - მათ გარეშე ცხიმი სწრაფად (დაახლოებით 3-4 თვეში) ამჟავდება და თეთრი ნადებით დაიფარება.


იხილეთ ასევე:


1. როგორ განვასხვავოთ ნატურალური კაკაო ხელოვნურისგან

2. როგორ და რომელი მაიონეზი ავირჩიოთ - ტესტირების შედეგები


3. საზიანოა თუ არა პაკეტის ჩაი და რა უნდა გავითვალისწინოთ მისი შეძენისას

4. კარაქი, სპრედი თუ მარგარინი - რომელ მათგანს უნდა მოვერიდოთ?

5. როგორ განვასხვავოთ ხარისხიანი ყავა უხარისხოსგან

6. როგორ განვასხვავოთ ნატურალური რძე ფალსიფიცირებულისგან

7. როგორ განვასხვავოთ ხარისხიანი მაკარონი უხარისხოსგან
8. ყავის ისტორია და ცოტა რამ ყავის შესახებ

9. რატომ ჩნდება შოკოლადზე თეთრი ნადები

0
6778
10-ს მოსწონს
ავტორი:natia.a
natia.a
6778
  
კომენტარები არ არის, დაწერეთ პირველი კომენტარი
0 1 0