კატა ტომბილის, რომელსაც სტამბულში ყველა იცნობა და ყველას უყვარდა, ადგილობრივი მოსახლეობის თხოვნით, ქალაქის ხელისუფლებამ ქანდაკება დაუდგა. ტომბილი თურქულად ჩასუქებულ ცხოველს ნიშნავს. ფოტოს წყალობით, კატა ჯერ კიდევ სიცოცხლეშივე გახდა ინტერნეტვარსკვლავი. ფოტოზე ის ქუჩის პირას მჯდომარე იყო აღბეჭდილი.

ცოტა ხნის წინ ტომბილი მოკვდა. სტამბულის მაცხოვრებლებმა კი გადაწყვიტეს, იმ ქუჩაზე, სადაც კატას ჯდომა უყვარდა, ქანდაკება დაედგათ. ქანდაკება ოფიციალურად 4 ოქტომბერს - ცხოველთა მსოფლიო დღეს გაიხსნა. ცერემონიაზე ასობით ადამიანი მივიდა, რომლებმაც სკულპტურასთან დატოვეს სანთლები, კატის საკვები და ყვავილები. ღონისძიება თურქულმა ტელეკომპანიებმა გააშუქეს.