სხვა
პატიოსანი ქვები ბიბლიაში – სარდონიქსი
2016, 18 ოქტომბერი, 10:00
სარდონიქსი
გამოცხადება 21:20
სარდონიქსი მინერალია, რომელსაც მიაკუთვნებენ თეთრ–ყავისფერ–ნარინჯისფერი ქალცედონებისა და სერდოლიკების ჯგუფს. მას ასევე უწოდებენ ნარინჯისფერ ან მეწამულ–ყავისფერ აქატს ან ონიქსს. მისი დასახელებაც ზუსტად ამას უკავშირდება: ბერძნულიდან ითარგმნება როგორც "ონიქსი სარდისიდან" (ძველი ლიდიის დედაქალაქი).
სარდონიქსი ნახევრადძვირფასი საიუველირო სანახელავო ქვაა. ძირითადად გაუმჭვირვალე, იშვიათ შემთხვევაში ოდნავ შუქგამტარი გამჭვირვალობისა.
შეფერილობა: ცეცხლისფერი, ნარინჯისფერ–წითელი, ყავისფერ–წითელი, მოთეთრო ან თითქმის შავი პარალელური ან კონცენტრულ–პარალელური ფენები. იშვიათ შემთხვევაში ეს ფენები საინტერესო ნახატს ქმნიან.
ცეცხლისფერ–წითელ შეფერილობას მინერალის შემადგენლობაში არსებული რკინის სხვადასხვა ნაერთები უზრუნველყოფს.