3-იდან 9 სექტემბრამდე სოჭში გაიმართა სიმღერის კონკურსი "ახალი ტალღა".ფესტივალის დახურვის დროს ცნობილმა შემსრულებლებმა და კონკურსის მონაწილეებმა ერთად შეასრულეს სიმღერა «Уходит праздник», რომელიც იგორ კრუტოიმ და იგორ ნიკოლაევმა დაწერეს.

პირველი რამდენიმე სტროფი მორიგეობით შეასრულეს იგორ კრუტოიმ, ნიკოლაი ბასკოვმა და ვალერი მელაძემ.პირველმა ორმა ამ "რთულ ამოცანას" გაართვეს თავი და პირის გაღება ფონოგრამას დაამთხვიეს, აი რაც შეეხება ვალერი მელაძეს, როგორც ჩანს დაავიწყდა, რომ მისი რიგი იყო, ის ჩუმად იყო თუმცა მისი ხმა უკვე ისმოდა.

მელაძის პიარ-მენეჯერმა ლიზა ფეოფანოვამ რადიო «Говорит Москва»-ს ეთერში განაცხადა, რომ "ეს შემთხვევა ტექნიკურ ხარვეზებთან იყო დაკავშირებული", რაში მდგომარეობდა "ტექნიკური ხარვეზი" ფეოფანოვას არ დაუზუსტებია, თან დასძინა, რომ ეთერში ამ ჩანაწერის ჩვენება არ იყო საჭირო.

ბლოგერმა იგორ ჩერსკიმ უმალ განათავსა ვიდეო საკუთარ Facebook-ის გვერდზე.იგი გახლავთ ერთ-ერთი ინიციატორი პრემიისა "Серебряная калоша", რომელსაც ხელოვნების წარმომადგენლებს გადასცემენ "საეჭვო მიღწევებისთვის შოუ ბიზნესის სფეროში."