როგორი წარმოუდგენელი და დაუჯერებელიც არ უნდა იყოს, ავსტრალიაში ძროხამ ჩამოაგდო დაბალ სიმაღლეზე მფრენი ვერტმფრენი, რომელიც ძალზე ახლოს მივიდა ფრენის დროს ძროხასთან.
ავსტრალიაში კვიკსლენდის შტატის ჩრდილოეთ ნაწილში ძროხამ ჩამოაგდო მსუბუქი ვერტმფრენი "Robinson R22". ამის თაობაზე იუწყება გამომცემლობა Brisbane Times".
ვერტმფრენის კატასტროფა მოხდა ქალაქ კოენის სამხრეთით. გამომცემლობის ინფორმაციით, ორადგილიანი მსუბუქი ვერტმფრენით პილოტმა გარს შემოუფრინა თავის ნახირს რამდენიმეჯერ, ერთერთი შემოვლისას ვერტმფრენის დასაჯდომი "თხილამური" იმდენად ახლოს მივიდა ერთერთ ძროხასთან, რომ შეშინებულმა ძროხამ რქა მოუქნია და ზედ წამოედო ვერტმფრენის დასაჯდომ "თხილამურს", პილოტმა მანევრებით სცადა მოეშორებინა ძროხა ვერტმფრენისათვის თუმცა ეს ვერ მოახერხა, საბოლოო ჯამში პილოტმა დაკარგა მართვის კონტროლი ვერტმფრენზე.
ვერტმფრენმა მოახდინა ავარიული და ძალზე მძიმე დაჯდომა, რის შედეგადაც დაზიანებულ ვერტმფრენს ცეცხლი გაუჩნდა და მეხანძრეების დროულად მოსვლის მიუხედავად მთლიანად დაიწვა.
შტატის პოლიცია აწარმოებს გამოძიებას მომხდარ კატასტროფაზე. გამომცემლობის ინფორმაციით პილოტი და ძროხა არ დაზიანებულან.
ავსტრალიაში მწყემსები უზარმაზარ ტერიტორიაზე გაბნეული ნახირის შესაკრებად და ფერმებისაკენ გამოსარეკად ხშირად იყენებენ მსუბუქ ვერტმფრენს "Robinson R22". მწყემსი–პილოტები იძულებულნი არიან დაბალ სიმაღლეზე, დაბალი სიჩქარით იფრინონ ნახირისათვის მიმართულების მისაცემად.
გამოცემა "BBC" იუწყება, რომ ავსტრალიაში ყოველწლიურად ავიაკატასტროფის გამო ათამდე მწყემსი–პილოტი იღუპება.