საფრანგეთის ქალაქ ნიცის პოლიციელებმა მუსულმან ქალს, რომელიც პლაჟზე ბურკინით (მუსულმანური საცურაო კოსტიუმი) ირუჯებოდა, აიძულეს გაეხადა ის.

ოთხმა შეიარაღებულმა სამართალდამცველმა აგრეთვე აიძულა ქალი გადაეხადა ჯარიმა 38 ევროს ოდენობით მუნიციპალური კანონის დარღვევისათვის პლაჟზე რელიგიური ტანსაცმლის ტარების გამო.

ბურკინის შესახებ კანონის ძალაში შესვლის შემდეგ კანიდან, ნიციდან, სენ-ტროპედან და ლაჟვარდოვანი სანაპიროს სხვა ქალაქებიდან ფრანგული საინფორმაციო საშუალებები რეგულარულად აწვდიან ინფორმაციან კანონდარღვვევების შესახებ.

ფრანგული ტელეარხის France 4 TV-ის ჟურნალისტი კანის პლაჟზე თავად გახდა მოწმე იმისა, თუ როგორ აიძულეს პოლიციელებმა გრძელ ტოპში, ლეგინსებში და ჰიჯაბში გამოწყობულ ქალს, რომელიც ასეთი სახით იღებდა რუჯს, გადაეხადა ჯარიმა და გამოეცვალა ტანსაცმელი, ან სასწრაფოდ დაეტოვებინა სანაპირო.

კანონის დამრღვევმა განაცხადა, რომ მან არაფერი იცოდა ბურკინის შესახებ მიღებული კანონის შესახებ და რომ პოლიციელების საქციელი რასიზმის გამოვლინებაა.

ბურკინის აკრძალვის პიონერი გახდა ქალაქი კანი - შესაბამისი კანონი 12 აგვისტოს იქნა მიღებული. ქალაქის მერმა მაშინ ხაზგასმით აღნიშნა, რომ მოკრძალებული საცურაო კოსტიუმები შეძლება გახდეს პლაჟებზე სხვადასხვა რელიგიური კონფესიის ადამიანებს შორის დაპირისპირების მიზეზი.

შეგახსენებთ, რომ პლაჟებზე მუსულმანური კოსტიუმების აკრძალვას მხარი დაუჭირა საფრანგეთის პრემიერ-მინისტრმა მანუელ ვალსმა.