მათი პერფომანსების მოსამზადებლად სცენარისტების და რეჟისორების მთელი არმია მუშაობს, დეტალურად თვლიან და ამუშავებენ რა თითოეულ ნაბიჯს, თუმცა ჩაფლავებისაგან ისინი მაინც არ არიან დაზღვეული. მარცხი მაინც ხდება ხოლმე. დღევანდელ პოსტში მინდა გაგახსენოთ ის უხერხული მომენტები, როცა ცნობილმა სელებრითებმა დიდი სირცხვილი ჭამეს სცენაზე გამოსვლის დროს.

ბეიონს ნოულზი, პანტალონები და სცენაზე დაცემა

უხერხულ სიტუაციაში მომღერალი არაერთგზის აღმოჩენილა. მაგალითად ერთხელ ბეიონსე ისე შეიჭრა როლებში, რომ სულ დაავიწყდა გაეკონტროლებინა თავისი კაბა, რომელცამ მუხანათურად უღალატა მას, გამოაჩინა რა ტანზე მოტმასნილი, არც ისე მიმზიდველი პანტალონები.

თუმცა ბეიონზეს კარიერაში უარესებიც მომხდარა: ის რამდენჯერმე პირდაპირ სცენაზე დაეცა, თან საკმაოდ უხერხულად და მტკივნეულად. იმ დროს, როცა მომღერალი ''თავისუფალ ფრენას'' ასრულებდა, ფონოგრამა კვლავ ისმოდა.

აი, ასე დაეცა ბეიონსე შორეულ 2007 წელს. ვიდეო არ არის კარგი ხარისხის, თუმცა თვალნათლივ ჩანს, რომ დაცემა სერიოზული და საკმაოდ მტკივნეული იყო, მაგრამ მომღერალი თავის სიმაღლეზე აღმოჩნდა: ის უცებ წამოხტა და ჩვეულებრივად გააგრძელა სიმღერა, ვითომც არაფერი მომხდარაო.

ნიკი მინაჟი, ვულგარული პა და ყალბი დუნდულები

მსგავს სიტუაციაში აღმოჩნდა ფუმფულაფორმებიანი, პიკანტური საცეკვაო ნომრების დიდი მოყვარული მომღერალი ნიკი მინაჟი, რითაც მაყურებლებისა და პაპარაცების ირონიული ღიმილი გამოიწვია.2014 წელს ერთ-ერთ კონცერტზე გამოსვლის დროს ტაბურეტზე მჯდარი, მოკლე კაბასა და კოლგოტში გამოწყობილი ნიკი ენერგიულად იქნევდა ფეხებს,

მაგრამ სამწუხაროდ, მისმა პერფომანსმა აღტაცების მაგივრად პუბლიკის მხრიდან დაცინვა და კრიტიკის ქარცეცხლი მოჰყვა და ეს ყველაფერი იმიტომ, რომ ამ რაკურსმა ნიკის უხერხული მხარე დაანახა მის თაყვანისმცემლებს: აღმოჩნდა, რომ მომღერალი დუნდულების გასადიდებლად სილიკონის საფენებს იყენებს.

ამ შემთხვევის შემდეგ მომღერალი ხელოვნური დუნდულების ტარებაში დაადანაშაულეს. თავად მინაჟს თავის მართლება არ უცდია მისი სხეულის მეხუთე წერტილის მიმართ წამოყენებულ ბრალდებაში.

ბრიტნი სპირსი და ვიწრო კოსტიუმი

ფუმფულა ფორმებმა მძიმე წონასთან მუდმივად მერძოლ ბრიტნი სპირსსაც ვერ დამართა კარგი საქმე. ერთხელ, კონცერტზე გამოსვლისას, ბრიტნიმ სწორად ვერ გათვალა მისი ბოდის შესაძლებლობები, კოსტიუმი ელვა შესაკრავში გაირღვა და შუა სცენაზე მომღერალი ნახევრადშშველი აღმოჩნდა. სიტუაციის გამოსწორებას მოცეკვავე ბიჭი შეეცადა, მაგრამ უშედეგოდ.

სცენაზე გახსნილი ელვა-შესაკრავი, რა თქმა უნდა, უხერხულია, მაგრამ სპირსი უარეს სიტუაციებშიც აღმოჩენილა. მაგალთად, ლას-ვეგასში კონცერტის დროს მომღერალს თავიდან თმის მოზრდილი კულული მოძვრა და სცენაზე დავარდა. რა თქმა უნდა, სანახაობა არც ისე სასიამოვნო იყო. როგორც მოგვიანებით გაირკვა, დაკარგული ლოკონი ცუდად იყო მიმაგრებული მომღერლის თმებზე.

მადონა და ვიწრო ლაბადა

Brit Awards-ის დაჯილდოების ცერემონილაზე მადონა ეფექტური ლაბადით გამოცხადდა. სცენარის იხედვთ გამოსვლის დროს ერთ-ერთ მოცეკვავეს სწრაფად უნდა გაეძრო მისთვის ეს მოსასხამი. ნომერი არ გამოვიდა იმის გამო, რომ მომღერალმა ძალიან ვიწროდ შეიკრა ის. შედეგად ელვისებური გაშიშვლების მაგივრად გამოვიდა ძირს დაცემა თავის გატეხვით.

კრისტინა აგილერა და ჭუჭყიანი ფეხები

ორიოდე წლის წინ მომღერალი საკმაოდ სერიოზულ უხერხულობაში ჩავარდა. შუა სიმღერის დროს მაყურებლებმა შენიშნეს აგილერას ფეხებზე ჭუჭყიანი ნაკადის კვალი.

როცა აგილერა მიხვდა, რაც ხდებოდა, ეცადა პიჯაკის სახელოთი მოეწმინდა ლაქები, მაგრამ ამან ვერ უშველა.

კონცერტის შემდეგ ტაბლოიდები წერდნენ, რომ შესაძლოა, მომღერალს უღალატა ავტოგასარუჯმა ლოსიონმა, გამოითქვა სხვა ვერსიაც, კერძოდ ის, რომ ეს ხაზები უცაბედად მოსული მენსტრუაციის კვალი იყო.

ჯასტინ ბიბერი და გაფუჭებული რძე

საკმაოდ ბინძურ სიტუაციაში აღმოჩნდა ორიოდე წლის წინ სკოლის მოსწავლე გოგონების კუმირი ჯასტინ ბიბერი.

არიზონაში ჩატარებული კონცერტის დროს სცენაზე გამოსულ მომღერალს მოულოდნელად ღებინება დაეწყო. მან მხოლოდ ის მოასწრო, რომ მაყურებლებისკენ ზურგით შებრუნებულიყო და მოხერხებული პოზა მიეღო.

სანამ ჯასტინი ასეთ უხერხულ სიტუაციაში იყო, ფონოგრამა სიმღერას აგრძელებდა, ხოლო მოცეკავეები ცეკვას, ვითომ არაფერი მომხდარაო.

კონცერტის შემდეგ ბიბერმა განაცხადა, რომ ეს უხერხულობა გამოწვეული იყო რძით, რომელიც მან კონცერტის დაწყების წინ დალია.

ლოლიტა მილიავსკაია და გულახდილი კაბები

არაერთხელ აღმოჩენილა უხერხულ სიატუაციაში რუსი მომღერალი ლოლიტა მილიავსკაია. კონფუზების ძირითადი მიზეზი უმეტეს შემთხვევაში მომღერლის ზედმეტად გულახდილი სამოსი იყო.

ერთხელ, სცენაზე გამოსვლისას ლოლიტამ გადაწყვიტა ზედმეტად მოკლე კაბა ჩაეცვა. არაფერიც არ მოხდებოდა, რომ მას მოულოდნელად ცეკვაში წამეცადინება არ მოენდომებინა (რომელიც სცენარით არ იყო გათვალისწინებული). ამის შედეგი კი გახლდათ მილიონობით მაყურებლის წინაშე გაშიშვლებული დუნდულები და არამარტო.....

სხვათა შორის, ლოლიტას უარესი შემთხვევებიც ჰქონია. მინსკში გამართული კონცერტის დროს მან როგორღაც მოახერხა და სცენაზე გახია თავისი კოლოტი, რითაც ძალიან გაახარა პაპარაცები.