ამერიკაში 79 წლის მოხუცი ქალბატონი, რომელიც მთელი თავის ცხოვრება ინახავდა ქალწულობას, ცოლად მიჰყვება 85 წლის მამაკაცს, რომელიც მთელი თავის ცხოვრება უყვარდა.

წყვილი მთელი თავის ცხოვრების განმავლობაში ცხოვრობდა პატარა ქალაქში ოჰაიოს მახლობლად.მარგარეტი სკოლას ამთავრებდა, როდესაც ჰენრი გაიცნო, ახალგაზრდა მამაკაცი იმ დროს ფოლადის ჩამომსხმელ ქარხანაში მუშაობდა.

მათ შორის გაჩაღდა რომანტიული ურთიერთობა, რომელიც 4 წელი გაგრძელდა .თუმცა მალე მარგარეტმა უნივერსიტეტში ჩააბარა, სწავლად ბევრი დრო მიჰქონდა და წყვილი ნელ-ნელა დაშორდა ერთმანეთს.

მარგარეტის თქმით, ყველაფერს ამას ხელი შეუწყო დედამისმა., რომელსაც არ მოსწონდა სასიძო.

"დედას არ მოსწონდა ჰენრი, ჯერ ჩემზე უფროსი იყო, მეორეც კათოლიკე არ იყო, თუმცა ჩემთვის ამას მნიშვნელობა არ ჰქონდა"-იხსნებს მარგარეტი.

გავიდა 60 წელი.ამ ხნის განმავლობაში მარგარეტს აღარ ჰქონია რაიმე სერიოზული რომანი.ამასთანავე თითქმის 20 წელიწადი ავადმყოფ დედას უვლიდა.მთელი ამ ხნის განმავლობაში მარგარეტი ქალწულობას ინახავადა:"მორწმუნე ადამიანი ვარ და მწამს, რომ მხოლოდ იმ ადამიანთან უნდა გაიზიარო სარეცელი, რომელიც შენთვის ყველაზე ძვირფასი იქნება და მომავალში შენი ცხოვრების მეგზური გახდება, "-აცხადებს მარგარეტი.

ერთ დღესაც ქალმა გადაწყვიტა ჰენრისთვის დაერეკა.

მარგარეტი: დღე მშვიდობისა. შეიძლება ჰენრის დავუკავშირდე?
ჰენრი: მე ვარ.
მარგარეტი: თქვენ ერთ დროს მუშობდით მეტალურგიულ ქარხანაში?
ჰენრი: დიახ.
მარგარეტი: ეს არის ზარი ძალიან შორეულ წარსულიდან. მარგარეტი ვარ.

წყვილი 3 საათის განმავლობაში ლაპარაკობდა ტელეფონზე.როგორც გაირკვა ჰენრის ცოლი ჰყავდა, თუმცა დაქვრივდა, შვილები არ ჰყავდა, ამასთანევ ჰენრიმ განუცხადა, რომ ყოველთვის ახსოვდა და უყვარდა მარგარეტი.

ასე აღადგინეს ურთიერთობა.9 თვიანი ურთიერთობის შემდეგ წყვილმა დაქორწინება გადაწყვიტა.

"თუ მიწერია მასთან ორი წელი ვიცხოვრო, ან თუნდაც ერთი თვე, -მოვკვდები, როგორც ყველაზე ბედნიერი ქალი."-აცხადებს მარგარეტი.