მთელი საქართველო შეძრა ქუთაისი-სამტრედიის შემოვლით გზაზე რამოდენიმე დღის წინ მომხდარმა ავტოავარიამ, რომელსაც სამი ახალგაზრდის სიცოცხლე შეეწირა. ადგილზე დაიღუპა ახალგაზრდა ცოლ-ქმარი: ნუცა კალანდარია და გიორგი პაპასკირი და მათ მეგობარი გოგონა ანა ჩხაიძე. ოთხი ადამიანი კი მძიმე ტრავმებით ქუთაისის ინტენსიური მედიცინის ცენტრში იქნა მოთავსებული. სამწუხაროდ, ექიმების მცდელობის მიუხედავად, ერთი მათგანი, მორაგბე მერაბ კვირიკაშვილის მეუღლე, ანა ბუაძე, ოთხი შვილის დედა, გუშინ გარდაიცვალა.

ამ სამწუხარო ფაქტთან დაკავშირებით ჟურნალისტი ნანუკა ჟორჟოლიანი ემოციურ პოსტს აქვეყნებს:

''ნეტავ სად მიდიან ადამიანები სიკვდილის შემდეგ. საკმარისია ვიღაცის გარდაცვალების ამბავი გავიგო და ისევ ეს კითხვა.... მერე ეს აკვიატებული კითხვა მაშინებს, ვეშვები და ისევ თავიდან....
ბოლო პერიოდში იმდენი წავიდა იქ, სადღაც რომ თითქმის ყოველ დღე მაწუხებს აკვიატებული კითხვა. სანდრომ გამიმძაფრა, მერე ის ულამაზესი წყვილი, შემდეგ გოგო! ისევ ცუდი ამბავი.
იქნებ სულაც არაა ცუდი ეს ამბები და იქ ჯობია, სადაც ისინი მიდიან! არ შეიძლება ამდენი უსამართლო ამბავი ხდებოდეს!! რაღაც, სადღაც გრძელდება! სხვანაირად წარმოუდგენელია!'' - წერს ნანუკა ჟორჟოლიანი.