მწერების შემოსევა და ტრავმირებული რონალდუ - რა მოხდა ევრო-2016-ზე (+ვიდეოები)

ფეხბურთი

2016, 11 ივლისი, 10:52

ყველაფერი მწერების შემოსევით დაიწყო. უბრალოდ, წინა ღამით ფრანგებს სტადიონზე შუქის გამორთვა დაავიწყდათ, ციცინათელებმაც არ დააყოვნეს და ფინალისთვის ადგილები დაიკავეს... მაყურებლებს სახეზე ასხდებოდნენ, თვალებზე აცოცდებოდნენ და პირშიც კი უძვრებოდნენ.

მაგრამ მთავარი საშინელება წინ იყო...

ფრენგმა ფეხბურთელმა, პაიეტმა მსოფლიოს საუკეთესო ფეხბურთელს ტრავმა მიაყენა (სუსტი გულის მქონეებმა არ უყუროთ!).

ცხადია, ეს ბურთზე უფრო მოწინააღმდეგის ფეხზე "თამაში" და ტრავმის განზრახ მიყენება იყო, მაგრამ მსაჯს, რატომღაც ყურადღება არ მიუქცევია და პაიეტმა, რონალდუსგან გასხვავებით, თამაში განაგრძო.

ატირებულ რონალდუს სახეზე ციცინათელა დააჯდა. და რაღა თქმა უნდა ინტერნეტში მაშინვე გამოჩნდა მემები:

რონალდუ საკაცით გაიყვანეს მოედნიდან. პარიზულ ფან-კლუბშიც არ დააყოვნეს და ეს მოვლენა ახლო ხედით აჩვენეს:

პაიეტის ინსტაგრამი კი კომენტარებით ააფეთქეს: ერთი საათის მანძილზე 120 ათასზე კეტი კომენტარი გაჩნდა. მთელი მსოფლიოდან წყევლა-კრულვა მისდიოდა სალახანა ფრანგს, რომელმა დანტესივით მოკლა პუშკინი ფეხბურთის მოედანზე...

ერთ-ერთმა გაცოფებულმა ფანატმა მშინვე დაწერა:

"მე დიდად არ მჯერა ტაქტიკური, მყისიერი სამართლიანობის. სამწუხაროა, რომ დიმიტრი პაიეტი, რომელმაც განზრახ გამოთიშა ფინალს მსოფლიოს ორიდან ერთ-ერთი საუკეთესო მოთამაშე, სავარაუდოდ 2016 წლის ევროპის ჩემპიონი გახდება.

მაგრამ სტრატეგიული სამართლიაობა ნამდვილად არსებობს. ოდესმე, და არც ისე შორეულ მომავალში, დიმიტრი პაიეტი აღმოჩნდება ისეთ სიტუაციაში, რომ საკუთარ თავს შეეკითხება: "ღმერთო, რისთვის ვისჯები ასე?" ჩვენ კი ზუსტად გვეცოდინება რისთვისაც."

თითქოს ყველა გაგიჟდა, მოედანზე გულშემატკივრებმა იწყეს გამოცვენა.

ცეცხლი წაეკიდა ეიფელის კოშკს.

სხვა თითქმის არაფრით არ იყო დასამახსოვრებელი 90 წუთიანი თამაში. ფანატები ღელავდნენ. დიმიტრი პაიეტი შეცვალეს...კიდევ რამე არ ჩაიდინოსო. ანტუან გრიზმანმა ერთხელ სახიფათოდ დაარტყა თავით, მაგრამ უშედეგოდ.

დამატებით წუთებზე ჟინიაკმა პორტუგალიის შტანგას მოახვედრა ბურთი და მთელმა საფრანგეთმა, ცოტაც და, ინფარქტი არ მიიღო.