ცნობილი ექიმი და ბავშვთა ჯანმრთელობის შესახებ, 15 წიგნის ავტორი ე. კომოროვსკი, ერთ-ერთ სატელევიზიო არხზე, საავტორო გადაცემის – «ექიმი კომოროვსკის სკოლის» წამყვანიც არის. ის, წლების მანძილზე, მშობლებს, ბებიებს და ბაბუებს ასწავლის, თუ როგორ უნდა მოუარონ ბავშვებს, რომ მათ ნაკლებად იავადმყოფონ და ჯანმრთელი ადამიანები გაიზარდონ.

ალბათ, ყველასთვის საინტერესო იქნება, ცნობილი პედიატრის აზრი, ბავშვებისა და ფეხმძიმე ქალების ჯანმრთელობის შესახებ.

ბავშვისა და დედის ჯანმრთელობის შესახებ

«ორშაბათობით ბავშვები უფრო ხშირად ავადმყოფობენ. იმიტომ, რომ დასვენების დღეებში სტუმრად მიდიან ბებია-ბაბუებთან, ხოლო სიყვარულის საზომი ჩვენთან, სამწუხაროდ, საჭმელი არის».

«თუ ოჯახში არის ბავშვი, რომელიც ხშირად ავადმყოფობს, ძაღლი შეიძინეთ. მშობლებს ბავშვის გასეირნება ავიწყდებათ, ძაღლს კი დღეში ორჯერ უნდა გარეთ გაყვანა».

«ოჯახის კეთილდღეობა – დედის ჯანმრთელობის მდგომარეობა არის. ბავშვის მამამ ყველაფერი უნდა გააკეთოს, რომ დედამ დროზე ჭამოს საჭმელი, საკმარისად ეძინოს და სუფთა ჰაერზე გაისეირნოს».

ექიმი კომოროვსკი თვლის, რომ ბავშვის ჯანმრთელობასთან დაკავშირებით, შექმნილი პრობლემის მოგვარება, მხოლპდ პედიატრების მეშვეობით არ შეიძლება. ბავშვის ჯანმრთელობის მდგომარეობა, დიდწილად, დამოკიდებულია მის მშობლებზე და ბებია-ბაბუაზე. სწორედ მათ შეუძლიათ იმაზე მოქმედება, რომ ბავშვი ავად არ გახდეს, ხოლო თუ მაინც გახდება, მალე გამოჯანმრთელდეს.

სკოლის შესახებ

«ბედნიერი ბავშვი, უპირველეს ყოვლისა, ჯანმრთელი ბავშვი არის და უკვე შემდეგ – ბავშვი რომელმაც წერა-კითხვა იცის და ვიოლინოზე უკრავს».

«ჩვენს სკოლებში, უმჯობესია, რომ ბავშვი 10 წლის ასაკში მივიდეს, რადგან იქ პატარებს მოძრაობის საშუალებას არ აძლევენ».

ექიმი თვლის, რომ ბავშვებმა დაწყებითი სკოლის ასაკში, უფრო მეტი უნდა იმოძრაონ და მეტი დრო გაატარონ სუფთა ჰაერზე. სამწუხაროდ, თანამედროვე სკოლას ამის უზრუნველყოფა არ შეუძლია.
«იმ შემთხვევაში, თუ ყველა დასვენების დროს, საკლასო ოთახის განიავება მოხდება, 10-ჯერ შემცირდება ვირუსების რაოდენობა ჰაერში და ამდენჯერვე – გრიპით დაავადებული ბავშვების რიცხვი კლასში».

პამპერსების შესახებ

«პამპერსების არსი და იდეოლოგია შემდეგში მდგომარეობს: პამპერსი სჭირდება არა ბავშვს! პამპერსი სჭირდება ბავშვის დედას!»

საკითხი, რომელიც უამრავ მშობელს აღელვებს: «შეიძლება, თუ არა, ბიჭებისთვის პამპერსი?» ექიმის აზრით (უახლეს კვლევის შედეგებზე დაყრდნობით), პამპერსის გამოყენება, მომავალში, არ გახდება მამაკაცის უშვილობის მიზეზი. «პამპერსი არანაირ ზიანს არ აყენებს ბავშვის ჯანმრთელობის მდგომარეობას, არც სამომავლოდ და არც ხმარების მომენტში».

ფეხმძიმობაზე

«ფეხმძიმობა 9 თვის მანძილზე გრძელდება და ქალბატონების დასამშვიდებლად, მხოლოდ იმის თქმა შემიძლია, რომ სპილო, მსგავს მდგომარეობაში, 22 თვის მანძილზე იმყოფება. ფეხმძიმობა ავადმყოფობა არ არის და მისი არ უნდა გეშინოდეთ. ჩვეულებრივი ცხოვრების წესით იცხოვრეთ და საკუთარ ჯანმრთელობაზე უფრო მეტად იზრუნეთ».