ყოფილი მორმონი ქალი გახდა ყველაზე პატარა ქალი მსოფლიოში, რომელიც ხმლებს "ჰყლაპავს"
ხეზერ ჰოლიდეი სადღეისოდ ითვლება მსოფლიოში ყველაზე ახალგაზრდა და პატარა ხმლის "მყლაპავად" მსოფლიოში.
საქმე ისაა, რომ ხეზერის სიმაღლე ამ საქმისათვის ძალზე პატარაა, ის მხოლოდ 158სმ სიმაღლისაა.
ხიზერი 17 წლამდე ნიუ–იორკში მორმონების ოჯახში იზრდებოდა, მაგრამ გადაწყვიტა შეესწავლა ხმლის "გადაყლაპვა" და ცხოვრება კონი–აილენდის ცირკის არენაზე გამოსვლისათვის მიეძღვნა.
ცირკში მისვლისთანავე მან პროფესიონალის დახმარებით დაიწყო ხმლის "გადაყლაპვის" თავისებურებების დაწვრილებით შესწავლა, მისი მასწავლებლის დახმარებით შესძლო განესაზღვრა "გადასაყლაპი" ხმლის საჭირო სიგრძე, ხმლის "გადაყლაპვასთან" ერთად დამოუკიდებლად შეისწავლა ცეცხლოვანი ჩირაღდნის "გადაყლაპვა", ხეზერმა მალევე გაითქვა სახელი მსოფლიოში როგორც თავისი საქმის უბადლო შემსრულებელმა.
ხმლის "გადაყლაპვის" პარალელურად ხეზერმა დაიწყო ვარჯიში ბოდიბილდინგში და ყოველგვარი ჰორმონული პრეპარატების გარეშე მიაღწია მისთვის სასურველ ფორმებს, მან ასევე იმისათვის, რომ სცენაზე უფრო შთამბეჭდავად გამოჩენილიყო გაიკეთა უამრავი ტატუ სხეულზე, თითოეული გამოსვლისას მაყურებელზე ემოციური ზემოქმედებისათვის ის იყენებს განსხვავებულ, მაგრამ ძალზე ეფექტურ ჩაცმულობას. ასევე შეისწავლა ნეონის ნათურის "გადაყლაპვა".
ზემოთ ჩამოთვლილის წყალობით ის სადღეისოდ საკმაოდ მაღალშემოსავლიანი და ცნობადი სახეა მსოფლიოში-ხმლის, ჩირაღდნის თუ ნეონის ნათურის "გადაყლაპვაში".
რაოდენ გასაკვირიც არ უნდა იყოს ეს ყოფილი მორმონი ქალი "ყლაპავს" 60 სმ სიგრძის ხმლებს და ეს მაშინ, როცა მისი სიმაღლე სულ 158სანტიმეტრია.
