ნინი ონიანის შეკითხვა-"რატომ არის მარცხენა ფოტო ჩვეულებრივი და მარჯვენა "გარყვნილება"?! "
ერთ-ერთი ყველაზე სექსუალური ქართველი მსახიობი ნინი ონიანი ხშირად ექცევა სკანდალებში. ნინი არაპროფესიონალი მსახიობია, იგი ფარმაცევტულზე სწავლობდა, მაგრამ სწავლას იმის გამო დაანება თავი, რომ მიხვდა ეს მისი საქმე არ იყო. ონიანს ყოველთვის ხელოვნება იზიდავდა. მისი პირველი გამოჩენა ეკრანებზე ტელესერიალ "დეტექტივში" მოხდა, სადაც იგი სრულიად შიშველი წარსდგა მაყურებლის წინაშე, თუმცა ამ სერიალს მისთვის ცნობადობა არ მოუტანია. პოპულარული კი სერიალით "ქალთა სახეებით" გახდა.
თამამი და სექსუალური იმიჯის გამო ნინი ონიანი ხშირად ექცევა ყვითელი პრესის ფურცლებზე. მასზე ბევრს ჭორაობენ და ხშირად ცნობილ ადამიანებთან აწყვილებენ.
სოციალურ ქსელ "ფეისბუქზე" მსახიობი დიდი აქტიურობით გამოირჩევა. ხშირად დებს საკმაოდ თამამ, ნახევრადშიშველ ფოტოებს, რის გამოც მას უამრავი მომაბეზრებელი თაყვანისმცემელი კომენტარებში თუ პირადში სხვადასხვა კითხვებით მიმართავენ. როგორც ჩანს მსახიობს ხშირად ეკითხებიან თუ რატომ არის იგი გახდილი ფოტოებში და ვიდეოებში, რაზეც ნინი საჯაროდ უსვამს ყველას შეკითხვას და აქვეყნებს ორ ფოტოს შესადარებლად:
"ერთი კითხვა მაქვს იმ ხალხთან ვინც მწერს, თუ რატომ ვარ გახდილი ამა თუ იმ ვიდეო რგოლში, სარეკლამო რგოლში etc. გულწრფელად გეკითხებით... თქვენ და თქვენი ოჯახის წევრები, ბასეინზე, ზღვის სანაპიროზე და ა.შ. ქურქებით, ხალათებით, კოსტიუმებით, საღამოს კაბებით და საკარნავალი ინვენტარით დაბრძანდებით???? დიდი სხვაობაა ჩემს თეთრეულსა და ჩემივე საცურაო კოსტიუმებს შორის? თუ გგონიათ, რომ გადასაღებ მოედანზე ველურების გარემოცვაა??? პირიქით, გადაღებაზე პროფესიონალები მუშაობენ და არა ბევრი თქვენგანის მსგავსი უნახავები! (ყველას არ ვგულისხმობ)!!!! გამაგებინეთ, რატომ არის მარცხენა ფოტო ჩვეულებრივი და მარჯვენა "გარყვნილება?! " მეტი როგორ აგიხსნათ მართლა აღარ ვიცი და აღარც მაინტერესებს!!!"