სხვა მე დღემდე ველი შენგან გვირილებს,მაგრამ რატომღაც შენ მჩუქნი ვარდებს... 2016, 15 მაისი, 0:44 "მაჯით გამოგიწვდი გულს და მერე, ერთად დავითვალოთ ცამდე გვირილები" "ნეტა ოცნებას ვისთან მიყავხარ?ვიცი ძალიან გიყვარს გვირილა, მე კი ათასჯერ მეტად მიყვარხარ..." (ნაწყვეტი ვანო კორძაძის ლექსიდან) "მინდა შეგიმკო თმები გვირილებით, მაგრამ შორსახარ ჩემგან ძალიან, ჩემი სიცილი ჩემი ტირილი იცოდე ყველა შენი ბრალია" (სამწუხაროდ არ ვიცი ვინ არის ლექსის ავტორი) "კაცებო!... განა ცოლებს არ ჭირდებათ სიყვარული აუხსნან?!... გვირილები აუკინძონ, გვირგვინები დაუწნან?!... -უფრო მეტად, უფრო მეტად ვიდრე მაშინ ოდესღაც...." დიკა სალაყაია " თუ გინდა გამახარო გვირილები მომიტანე და მინდვრის ყვავილები... ასე რომ უხდებიან თაიგულებს... თუ გინდა ამატირო ლექსი დამიწერე, გრძნობად გამირითმე და მერე საუკუნოდ შენად დამიგულე.... თუ გინდა გამაოცო ღამე გამინათე შენი სიყვარულით და გონი ამირიე, მთვარის შუქს შერეული... თუ გინდა შევიშალო გვირგვინი დამადგი თეთრი გვირილების და ჩემში გადმოცალე სუნთქვა შენეული..." ნანა მეფარიშვილი "ისე ლამაზი და ხალასია პირზე აკინძვია ღიმილები, რავქმა სხვანაირად ლამაზია ქალს რომელსაც უყვარს გვირილები... უფრო თეთრთანა საზიარო, ხალისს ვერ უკარგავს ტკივილები ქალი სხვანაირად ნაზი არის, თმებში გაბნეული გვირილებით... მკლავზე დაჰყოლია ლურჯი ხაზი.მხრებზე საოცარი თმების სუნი. თხელი ტერფები და ისე ნაზი, როგორც ახალპირა გაზაფხული... ხელში ბედისწერას აშენებენ, ფოთლებს დაჰოლიათ ღიმილები, ღმერთო რა საოცრად ამშვენებენ ქალებს საგვირგვინო გვირილები." ნანა მეფარიშვილი "...შენი ბრალია ყველა განთიადს, მთვარეს ჩასვლა რომ აგვიანდება.. ზღვამ მზეს მობანა პირი ვნებიანს... და ცეცხლს უკიდებს შენს ბავშვურ თვალებს... ამ ქვეყნად რაც კი გვირილებია დაგიკრეფ... მერე მიდი და თვალე... მერე მიდი და ყველა ფურცელი, ცაში აბნიე ვარსკვლავცვენებად..." გენრი დოლიძე "ყოველთვის მიყვარდა გვირილები, მაგრამ რატომღაც მჩუქნიდნენ ვარდებს... ვფიქრობ, უბრალოდ რომ არ მიცნობდნენ...." პ.ს და კიდევ ერთხელ მინდა ვთქვა... "მე მიყვარს გვირილები" იმედს ვიტოვებ რომ ისიამოვნეთ ჩემი სტატიით... 1853 9-ს მოსწონს
|