BBC-ის რუსულმა რედაქციამ მკითხველებს სთხოვა საბჭოთა კავშირის დროინდელი პოლიტიკური ანეკდოტები გამოეგზავნათ "ფეისბუქის" საშუალებით.აქედან შეირჩა რამდენიმე საუკეთესო, რომლესაც ახლა შემოგთავაზებთ.

***ბრეჟნევმა და რეიგანმა გადაწყვიტეს ერთმანეთის კარიკატურები დაეხატათ, თუმცა პირობა ასეთი იყო: ნახატი მხოლოდ წელს ზევით უნდა ყოფილიყო.

ბრეჟნევმა რეიგანის კარიკატურას ერთი დიდი და მეორე პატარა ძუძუ მიახატა.რას ნიშნავს ეს? ჰკითხა რეიგანმა.

–დიდ ძუძუს პენტაგონს და სამხედროებს აწოვებ, ხოლო პატარათი ამერიკელ ხალხს-უპასუხა ბრჟნევმა.

ახლა რეიგანმა დახატა ბრეჟნევი ისევ ისე, ერთი დიდი ძუძუთი, ხოლო მეორე პატარათი.

–დიდ ძუძუს თანამეგობრების ქვეყნებს აწოვებ, პატარათი განვითარებად ქვეყნებს-აუხსნა რეიგანმა.

-აბა ხალხი?-გაკვირვებით ჰკითხა ბრეჟნევმა.

–ჩვენ ხომ შევთანხმდით მარტო წელსზემოთ უნდა დაგვეხატა ერთმანეთიო-უპასუხა რეიგანმა.

***კაპიტალიზმმა, სოციალიზმმა და კომუნიზმმა გადაწყვიტეს ერთმანეთს შეხვედროდნენ.დათქვეს დრო.

კაპიტალიზმი და კომუნიზმი დათქმულ დროს მივიდნენ ადგილზე.აი სოციალიზმს ძალიან დააგვიანდა.როგორც იქნა მოვიდა.

-სად იყავი აქამდე?-ჰკითხეს ერთდროულად.

-ხორცის რიგში ვიდექი-უპასუხა სოციალიზმმა

-რიგი რა არის?-იკითხა კაპიტალიზმმა.

-ხორცი რაღა არის?–გაოცებისგან პირი დააღო კომუნიზმმა.

***ჩერჩილი რუზველი და სტალინი დანიძლავდნენ, ვინ უფრო უყვარს ხალხს.

დაუძახეს ამერიკელს, ბრიტანელს და საბჭოთა მოქალაქეს.

ჩერჩილი ეკითხება ბრიტანელს:"შეგიძლია ჩემს გამო უფსკულში გადახტე?

-არა ბატონო პრემიერ-მინისტრო, 4 შვილი მყავს, ცოლი და მოხუცი მშობლები.

ახლა რუზველტი ეკითხება ამერიკელს იგივეს.

-არა ბატონო პრეზიდენტო, ოჯახი მყავს, მშობლები, ნათესავები.

დადგა სტალინის ჯერი, ეკითხება საბჭოთა მოქალაქეს:-გადახტები ჩემი გულისთვის?

-რა თქმა უნდა დიდო ბელადო! გთხოვთ დამრთოთ ნება გადავხტე!

სტალინი თავს დაუქნევს და ისიც გარბის უფსკულისკენ.ჩერჩილი და რუზველტი უმალ აკავებენ და ეკითხებიან: გაგიჟდი?რას შვრები?ხომ შეგიძლია უარი უთხრა!

-არა არ შემიძლია, მე ხომ ცოლი მყავს, შვილები და მოხუცი მშობლები!

***ამერიკელი: ჩვენ თავისუფალი ქვეყანა ვართ, ნებისმიერს შეუძლია გამოვიდეს თეთრი სახლის წინ ვაშინგტონში და და დაიყვიროს:"რეიგანი სულელია!"და ამისთვის არავინ არაფერს არ ეტყვის.

რუსი: ჩვენც თავისუფალი ქვეყანა ვართ, ნებისმიერ საბჭოთა მოქალაქეს შეუძლია გამოვიდეს წითელ მოედანზე მოსკოვში და დაიყვიროს:"რეიგანი სულელია!" და მასაც არავინ არაფერს არ ეტყვის.

***ინტერვიუ სტალინთან:" რის კოლექციას აგროვებთ იოსებ ბესარიონის ძევ?

-ანეკდოტებს საკუთარ თავზე.

-და ბევრი შეაგროვეთ?

-კი, უკვე 7 გულაგის ბანაკი.