x
image
Lerato
რა უნდა ვჭამოთ რომ არ დავბერდეთ -პროდუქტი, რომელიც სიბერეს ებრძვის
image


მეცნიერები ამტკიცებენ, რომ ზოგიერთ პროდუქტს გენების გამაახალგაზრდავებელი უნარი გააჩნია.

დაივიწყეთ მკაცრი დიეტების, კალორიების დათვლის და ტკბილზე უარის თქმის შესახებ. ჯანმრთელობისა და მუდმივი ახალგაზრდობის რეცეპტი იმაში მდგომარეობს, რომ თქვენს რაციონში ისეთი პროდუქტები ჩართოთ, რომელიც გენებზე ახდენს ზემოქმედებას.

პირველი ადამიანი ვინც განაცხადა იმის შესახებ, რომ საკვები პროდუქტები გავლენას ახდენს გენების მუშაობაზე იყო ამერიკელი დერმატოლოგი ნიკოლას პერიკონე. რამდენიმე ბესტსელერის ავტორი ამტკიცებდა, რომ გენეტიკური დანადგარები ჩვენს ორგანიზმში მუდმივი არ არის. ის მოდიფიკაციას ექვემდებარება ადამიანის მთელი სიცოცხლის მანძილზე. და ყველაზე მნიშვნელოვანი როლი ამ საქმეში სწორედ რომ საკვებს უკავია, ანუ იმას თუ რას მივირთმევთ.
ექიმის აზრით, მთავარი პროდუქტში კალორიების რაოდენობა კი არ არის, არამედ ის თუ რა საკვებ ნივთიერებებს შეიცავს. ზოგიერთი საკვები პროდუქტი პირდაპირ გამაახალგაზრდავებელ წამალს წარმოადგენს, რომელსაც დიდი უნარი აქვს შეაჩეროს ორგანიზმში დაბერების პროცესი.


image


პერიკონე ამტკიცებს, რომ თუ მის მიერ შემოთავაზებულ ახალგაზრდობის დიეტას დაიცავთ, 60 წლის ასაკში 40 წლის შეხედულება გექნებათ. სწორი კვება გამაახალგაზრდავებელ გენებს მუშაობის საშუალებას აძლევს იმ ასაკში, როდესაც წესით ჩვეულებრივ ამას წყვეტენ.

"ჩვენ გენებს მემკვიდრეობით ვიღებთ, მიდრეკილებით ადრეული თუ გვიანი დაბერებისკენ, ასევე სხვადასხვა ტიპის დაავედებებისკენ – ამბობს მკვლევარი. – მაგრამ ზოგიერთი სახის პროდუქტის რეგულარულ გამოყენებას შეუძლია შესწორებები შეიტანოს ამ გლობალურ გეგმაში"

ბევრი ახლი კვლევა გვიჩვენებს, რომ პერიკონის აზრი საფუძველს ნამდვილად არ არის მოკლებული. მაგალითად, ამერიკელი დიეტოლოგი ბრუნილდა ნაზარიო თვლის, რომ დიეტა, რომელიც პერიკონეს იდეებს ეფუძნება, არ ეწინააღმდეგება თანამედროვე დიეტოლოგიის პრინციპებს და ნამდვილად გამართლებულია.

მსგავსი სახის კვება სერიოზულ შეზღუდვებს არ ითვალისწინებს. ის მხოლოდ აქცენტს აკეთებს ზოგიერთი საკვების რეგულარულ მოხმარებაზე, რომელიც ეხმარება ორგანიზმს სიბერესთან ბრძოლაში.

სტატიაში წარმოგიდგენთ 10 პროდუქტს, რომლის მუდმივი გამოყენება საშუალებას მოგცემთ საკუთარი ორგანიზმის გარდაქმნას, თქვენს გენეტიკურ მემკვიდრეობაზე გამარჯვებას და სიბერის პროცესის სერიოზულ შენელებას.


1. შავი შოკოლადი

image


საუბარია შოკოლადზე კაკაოს მაქსიმალური შემცველობით. კაკაო შეიცავს ანტიოქსიდანტს, რომელიც ფლობს ფენომენალურ შესაძლებლობას დაიცვას ორგანიზმი სხვადასხვა ინფექციისგან.

უპირველეს ყოვლისა, ეს ნივთიერება სასარგებლოა კანისთვის. ამიტომ კაკაო – უბრალოდ აუცილებელია ქალებისთვის, რომელთაც სურთ შეინარჩუნონ ახალგაზრდა კანი ხანდაზმულ ასაკში.

ამასთან, მეცნიერებმა გამოაქვეყნეს დასკვნა, რომლის თანახმადაც შავი შოკოლადის დაახლოებით 60 ჰორმონი ხელს უშლის არტერიების შევიწროვებასა და დახშობას. აუმჯობესებს სისხლის ცირკულაციასა და ხელს უშლის თრომბების წარმოქმნის ალბათობას. გარდა ამისა, კოფეინი და თეობრომინი, რომელსაც ეს მწარე ნუგბარი შეიცავს, ადამიანის შრომისუნარიანობისა და შემოქმედებითი აქტივობის სტიმულირებას ახდენს.



2. ორაგული

image


პერიკონე იზიარებს დიეტოლოგების აზრს იმის თაობაზე, რომ ორაგული და ცივ წყლებში მობინადრე თევზის სხვა სახეობები, უნდა მიიღოთ რეგულარულად. ასეთი თევზი შეიცავს ცხიმოვან მჟავას ომეგა -3 და ანტიოქსიდანტებს, ასევე წარმოადგენს ცილების წყაროს, რომელიც აუცილებელია ორგანიზმის ქსოვილის სტრუქტურისთვის. ყველა ეს სამი ელემენტი წარმოადგენს საკვანძო ნივთიერებას ორგანიზმის გასაახალგაზრდავებლად, რამდენადაც მათი შემცველობა რაციონში იმ გენების აქტივაციას უწყობს ხელს, რომელიც ორგანიზმს აახალგაზრდავებს – ამტკიცებს პერიკონე.


3. დარიჩინი

image

ეს სანელებელი არა მხოლოდ დახვეწილ გემოს აძლევს ზოგიერთ კერძსა და სასმელს, არამედ სიცოცხლის გახანგრძლივების უნიკალურ საშუალებას წარმოადგენს. დარიჩინი შაქრის დონეს არეგულირებს სისხლში, აუმჯობესებს ტვინის მუშაობასა და ზრდის კონცენტრაციის უნარს.

პერიკონე ასევე ამტკიცებს, რომ ანტიოქსიდანტებს, რომელსაც დარიჩინი შეიცავს, შეუძლია მელანომას წარმოქმნის რისკი შეამციროს. ფაქტიურად, დარიჩინს უნარი აქვს ორგანიზმში იგივე როლი ითამაშოს, რაც წიწმატს – როგორც რამდენიმე გენის "ჩამრთველი, " აქტიურად უწყობს ხელს იმუნური სისტემის მუშაობის პროცესს.


4. სოკო

image


თანამედროვე დიეტების უმრავლესობაში სოკო არ შედის. ითვლება, რომ ეს მძიმედ მოსანელებელი პროდუქტია და არ შეიცავს განსაკუთრებულად ღირებულ საკვებ ნივთიერებებს. თუმცა, ბოლო წლებში კვლევები უფრო ხშირად აჩვენებს, რომ ზოგიერთი სახეობის სოკოს სასარგებლო გავლენა აქვს იმუნურ სისტემაზე, აუმჯობესებს მეტაბოლიზმს და აძლიერებს ღვიძლს – ხაზს უსვამს პერიკონე. კონკრეტულად სოკო შიტაკი უამრავ სასარგებლო ანტიოქსიდანტს შეიცავს. პოპულარული ხის სოკო კი მდიდარია რკინით, რომელიც განსაკუთრებით სასარგებლოა თირკმელებისა და შარდ-სასქესო სისტემისთვის. ამას გარდა, სოკოს ბევრი სახეობა მდიდარია D ვიტამინით, ამიტომაც განსაკუთრებით სასარგებლოა იმ ადამიანებისთვის, ვინც მზეზე იშვიათად გადის.


5. წიწმატი

image


ამ პროდუქტის შემთხვევაშიც საქმე ანტიოქსიდანტებს ეხება, რომელიც იმუნური სისტემის ბრძოლის უნარს აძლიერებს ინფექციებისა და მავნე ნივთიერებების მიმართ. ამცირებს თავისუფალი რადიკალების რაოდენობას, რომელიც ორგანიზმის დაბერების პროცესში მთავარ აგენტს წარმოადგენს.

წიწმატის თითქმის ყველა სახეობის ქიმიური შემადგენლობა პრაქტიკულად ერთნაირია ეს გახლავთ კაროტინი, А, Е, С, К, D, РР და В ჯგუფის თითქმის ყველა ვიტამინი, მინერალები: ფოსფორი, კალციუმი, მაგნიუმი, რკინა, იოდი; ასევე, ცილები, ნახშირწყლები, ეთერზეთები, გლიკოზიდი, ალკალოიდი ლეპიდინი, ფლავონოიდები და ზეთი.

ამას გარდა, წიწმატი შარმდენი საშუალებაა, რომელიც ორგანიზმიდან მავნე მარილებს დევნის და ამით იცავს თირკმელებს, ღვიძლს და ამცირებს ზეწოლას გულ-სისხლძარღვთა სისტემაზე.

პერიკონეს მტკიცებით, წიწმატის რეგულარული მოხმარება ორგანიზმში ზოგიერთი გენის აქტივაციას იწვევს, რომელიც იმუნური სისტემისთვის მნიშვნელოვან ნივთიერებას გამოიმუშავებს.


6. შალფეის თესლი

image


უკვე რამდენიმე ათასწლეულია რაც შალფეი სამკურნალო მცენარედ ითვლება, თუმცა ექიმები ხშირ შემთხვევაში არასერიოზულად ეკიდებიან მას, ისევე როგორც სხვა "ხალხური მედიცინის" ბევრ საშუალებას. პერიკონე ამტკიცებს, რომ ეს არასწორი მიდგომაა და თავად გვთავაზობს კორექტივებს შალფეის მიღებისას – გვთავაზობს რეგულარულად გამოვიყენოთ არა თავად მცენარე, არამედ მისი თესლი, რადგანაც მდიდარია ცხიმოვანი მჟავა ომეგა–3-ით, რომელიც უშუალოდაა პასუხისმგებელი ორგანიზმის გაახალგაზრდავების პროცესზე. ამას გარდა, შალფეის თესლში Е ვიტამინისა და კალცის მაღალი კონცენტრაციაა, რომელიც აუცილებელია ძლოვანი ქსოვილისთვის.


7. მწვანე ჩაი

image


მწვანე ჩაი დიდი რაოდენობით კატეხინებს შეიცავს – ბუნებრივ ანტიოქსიდანტებს, რომელიც ხელს უშლის დაბერების პროცესს და ხელს უწყობს გახდომის პროცესს. ამ კვლევის თანახმად, მწვანე ჩაის რეგულარული გამოყენება 15-20% -ით უფრო აჩქარებს ცხიმების წვას ორგანიზმში.

ზოგიერთი კვლევა ადასტურებს, რომ ის გენებისთვის სერიოზულ "ჩამრთველს" წარმოადგენს, რომელიც ორგანიზმს სიმსივნისგან იცავს. მაგალითად, მკერდის კიბო ქალებში და პროსტატის სიმსივნე კაცებში. ამასთან, მწვანე ჩაი აახალგაზრდავებს კანს და აუმჯობესებს ტვინის მუშაობას – დარწმუნებულია პერიკონე.


8. წითელი ღვინო

image


ერთადერთი ალკოჰოლური სასმელი, რომელიც რეკომენდირებულია რეგულარული მოხმარებისთვის. საქმე რესვერატროლს ეხება – აქტიურ ფერმენტს, რომელიც ორგანიზმში ხელს უშლის ცხიმების დაგროვებას, ბლოკავს რა ცხიმოვანი უჯრედების რეცეპტორებს.

გარდა ამისა, რესვერატროლს, ბოლო დროინდელი კვლევების თანახმად, შეუძლია გულ-სისხლძარღვთა სისტემის დაავადებებისა და სიმსივნის პრევენციაც კი მოახდინოს. ასევე, წითელი ღვინო ამაგრებს ძვლებს. თუმცა, ეს მხოლოდ და მხოლოდ ქალებს ეხებათ. საიდუმლო იმაში მდგომარეობს, რომ ღვინო ზრდის ქალის ჰორმონის –ესტეროგენის დონეს, რის შედეგადაც ნელდება ოსტეოპოროზის (ძვლების სიმყიფე) პროცესი.

თუმცა, აქ მთავარია დოზას არ გადაამეტოთ – დღეში მხოლოდ 1 ჭიქა და ისიც წითელი ღვინო.


9. კოჭა

image


ერთ-ერთი ყველაზე საკვანძო ელემენტი ჭარბ წონასთან ბრძოლაში. კოჭა შიეცავს ეთერზეთებს, რომელიც კუჭის წვენის გამომუშავებას უწყობს ხელს და აუმჯობესებს საჭმლის მომნელებელ სისტემას. ამის ხარჯზე ორგანიზმი უფრო მეტ ენერგიას ხარჯავს და ცხიმოვან უჯრედებს წვავს.

ასევე, ზოგიერთი კვლევები გვიჩვენებს, რომ კოჭას რეგულარული გამოყენება აუმჯობესებს კანის მდგომარეობას. დღეში 2 გრ. კოჭა საკმარისია იმისთვის, რომ სისხლში შაქრის დონემ 20%-ით დაიწიოს. სხვა სიტყვებით – ის ხელს უშლის დიაბეტის განვითარებას.


10. გრეიფრუტი

image


დიდ ხანია ცნობილია გრეიფრუტის სასარგებლო თვისებების შესახებ და ეს ეჭვს არ იწვევს. ახალი კვლევები მხოლოდ ამყარებს მიღებულ მონაცემებს და გვიჩვენებს, რომ გრეიფრუტს სათანადოდ არ აფასებენ. ის არა მხოლოდ დიდი რაოდენობით ვიტამინ С შეიცავს, ასევე სისხლში ინსულინის დონის დარეგულირების უნარი აქვს.

გრეიფრუტი შეიცავს ცხიმების დამწველ ნივთიერებებს: ინოზიტოლს და პექტინს. ხელს უწყობს საკვების მონელებას და ღვიძლის აქტივაციას. ამას გარდა, ის არეგულირებს სისხლძარღვების მუშაობას, ამცირებს ქოლესტერინის დონეს, ახდენს ნერვიული სისტემის ტონიზირებას, ეხმარება აპათიის დაძლევაში, ამახვილებს ყურადღებასა და მეხსიერებას, ხსნის დაღლილობას. ზოგადად მას ყველაზე სასარგებლო ციტრუსად მიიჩნევენ.

გრეიფრუტს მწარე გემოს აძლევს ფლავონოიდ ნარინგინი, რომელსაც შეიცავს მისი კანი. ის აუმჯობესებს სისხლძარღვების გამტარიანობას და ელასტიურობას, აძლიერებს კაპილარებს, ამიტომ გამოიყენება გულ-სისხლძარღვთა დაავადებების დროს. ძალიან სასარგებლოა ასევე მისი თესლი – ახასიათებს ბაქტერიოციდული მოქმედება.

9
48780
14-ს მოსწონს
ავტორი:Lerato
Lerato
48780
  
2016, 10 მაისი, 22:34
სამწუხაროდ, ჯერ-ჯერობით სიბერე გარდაუვალია. თუმცა, ეს პროცესი რაც უფრო გვიან დაიწყება, მით უკეთესი. ამ საქმეს მხოლოდ შავი შოკოლადის ჭამა არ შველის – ცხოვრების ჯანსღი წესი კომპლექსურად რამდენიმე ფაქტორს მოიცავს – სწორ კვებას, ვარჯიშებს, ფსიქო-ემოციურ წონასწორობას... უფრო მეტი ინფორმაციის მისაღებად სტატიებს გადაავლეთ თვალი და
ამაში თავად დარწმუნდებით :)
ერთი ჩემი ცხონებული მეგობარი სულ ჭამდა შავ შოკოლდს, მაგრამ ისე დაბერდა შვილები ვერ ცნობდნენ! ერთი წლის წინ მოკვდა სიბერით! დაწერეტ ისიც, რომ ყველას არ შველის!
2016, 14 აპრილი, 7:31
უეჭველი :D
2016, 14 აპრილი, 0:33
გაითვალისწინე
2016, 13 აპრილი, 21:01
სიყვარულით არ ვგიჟდები\
2016, 13 აპრილი, 21:00
შავი შოკოლადი??? როგორ შეიძლება არ გიყვარდეს???
2016, 13 აპრილი, 20:18
მე სიყვარულით არცერთი მიყვარს სოკოს გარდა
2016, 12 აპრილი, 0:49
:))) თუ ამასთან იმ საკვებს არ მიიღებ, რაც აბერებს – მარადიულად ლამაზი და ახალგაზრდა იქნები :)
2016, 11 აპრილი, 18:56
თითქმის ყველაფერი მიყვარს, რაც აქაა ჩამოთვლილი და ხშირადაც მივირთვევ :)
0 1 9