ყოველწლიურად ჰოლივუდს მილიონობით დოლარის შემოსავალი აქვს კინოგაქირავებიდან. ჰოლივუდის ბლოკბასტერები სხვა ფილმებისგან იმითაც განსხვავდებიან, რომ მათ გადაღებაზე უზარმაზარი ფული იხარჯება, თუმცა მოგებაც არანაკლები მოაქვს. გთავაზობთ 10 ბლოკბასტერს, რომლებიც წელს გამოვა ეკრანებზე და, პროდიუსერებს თუ დავუჯერებთ, მაყურებლის განსაკუთრებულ ინტერესს გამოიწვევს.


10. Alice Through the Looking Glass

ეს არის ლუის კეროლის ცნობილი რომანის ეკრანიზაცია და ფილმის "ალისა საოცრებათა ქვეყანაში" გაგრძელება. მთავარ როლებში ვიხილავთ მია ვასიკოვსკას, ჰელენა ბონემ კარტერს, ენ ჰეტუეისა და საშა ბარონ კოენს. ამჯერად მთავარ პერსონაჟს მეგობრის, მექუდის გადასარჩენად მოუწევს დროში მოგზაურობა, რომელიც მოულოდნელობებითა და აღმოჩენებით იქნება სავსე. ფილმის სლოგანია; "გაზაფხული - გაგიჟებისთვის ყველაზე კარგი დროს".



9. The Huntsman: Winter's War

როენა და მისი და, ყინულის დედოფალი ფრეა ემზადებიან დედამიწის დასაპყრობად. მონადირე ერიკი, რომელიც ფიფქიას ადრე უკვე დაეხმარა როენას დამარცხებაში, და მისი შეყვარებული, სარა მათ შეჩერებას ცდილობენ.

8. Star Trek Beyond

ახალ "ვარსკვლავურ გზაში" მოვლენები ვითარდება ხუთწლიანი მისიის დაწყებიდან ორი წლის შემდეგ. ვარსკვლავური ხომალდის, "ენტერპრაიზის" ეკიპაჟს, რომელსაც ჯეიმს ტ. კირკო მეთაურობს, თავს დაესხმებიან უცხოპლანეტელები, ჩამოაგდებენ უცნობ პლანეტაზე და ცდილობენ მის განადგურებას.



7. The Angry Birds Movie

ფილმი მოგვითხრობს იმაზე, თუ როგორ დაიწყო ცნობილი დაპირისპირება ფრინველებსა და ღორებს შორის.

რედი - წითელი ჩიტი, ფილმის მთავარი გმირია. მას ბავშვობიდან აქვს სერიოზული პრობლემა სიბრაზესთან დაკავშირებით, ამიტომ სასამართლომ მას "მიუსაჯა" სიბრაზის დაძლევის გაკვეთილებზე დასწრება, რომელსაც მატილდა ატარებს. ერთხელ კუნძულზე ღორები მიცურდნენ და კვერცხები მოიპარეს, რის შემდეგაც გაბრაზებული ჩიტების რაზმმა დაიწყო მათ წინააღმდეგ ბრძოლა.


6. Warcraft

ნამდვილი საჩუქარი თამაშის მოყვარულებისთვის! საუკუნეების მანძილზე შტორმგარდის აუღებელი კედლები და მაგია იცავდა ხალხს ნებისმეირი თავდამსხმელებისგან. მაგრამ ათასწლეულების წინთ დამარცხებულმა და დავიწყებულმა ბოროტებამ გაიღვიძა. სამეფოს ცენტრში გაიხსნა ბნელი პორტალი და აზეროტის მიწაზე უცნობი არსებების რასა გამოჩნდა. ასე დაიწყო მოვლენები, რომლებმაც ამ სამყაროს ბედისწერა საბოლოოდ შეცვალა. ფილმში მთავარ როლზე თავიდან კოლინ ფარელი განიხილებოდა, მას რეჟისორთან შეხვედრებიც კი ჰქონდა ამ თემასთან დაკავშირებით, მაგრამ საბოლოო ჯამში ფილმში მონაწილეობა დომინიკ კუპერმა მიიღო.

5. Independence Day: Resurgence

მოქმედება ხდება პირველი ფილმიდან 20 წლის შემდეგ. დედამიწაზე, რომელიც ჯერ მთლიანად არ არის აღორძინებული 1996 წლის თავდასმისგან, ახალი თეობა გაიზარდა. დედამიწის მაცხოვრებლებმა უცხოპლანეტელთა ტექნოლოგიის გამოყენებით პლანეტის თავდაცვის სპეციალური პროგრამა შექმნეს. თუმცა ეს უკანასკნელი მაინც უძლურია უცხოპლანეტელთა ახალი, უფრო მასშტაბური და გამანადგურებელი თავდასხმის წინააღლდეგ. არის მხოლოდ რამდენიმე მამაცი გმირი, რომლებსაც შეუძლიათ მტრის დამარცხება. დედამიწელებს კი მოუწევთ დაივიწყონ ქვეყნებსა და მენტალიტეტებს შორის საზღვრები და მტრის წინააღმდეგ გაერთიანდნენ.

4. Inferno

ტრილერში "Inferno", პროფესორი ლენგდონი გონზე მოდის ერთ-ერთ იტალიურ საავადმყოფოში. მას მეხსიერება აქვს დაკარგული. ადგილობრივი ექიმი მას არა მხოლოდ მეხსიერების დაბრუნებაში ეხმარება, არამედ გამოუცნობი ბოროტმოქმედების შეჩერებაშიც, რომლებიც სასიკვდილო ვირუსის გავრცელებას ცდილობენ.

3. Texas Chainsaw Massacre: The Next Generation

ყველაფერი დაიწყო 1973 წელს, როცა ხერხით შეიარაღებულმა მანიაკმა მთელი ქვეყანა დაატერორა. მრავალი წლის მანძილზე იგი აღარ ჩანდა...ახლა კი ისევ გამოჩნდა! ამჯერად ტყეში მოხვედრილ ადამიანებს მანიაკებისა და ფსიქოპატების კლანი ელოდებათ, რომელთა ერთადერთ მიზანს განადგურება, ტკივილი და მკვლელობა წარმოადგენს.

2. The Legend of Tarzan

ჯონ კლეიტინ III ცნობილია, როგორც "ადამიანი მაიმუნი" - ტარზანი. მას შემდეგ, რაც ლონდონში ცხოვრებას მიეჩვია, დედოფალი ვიქტორიასგან იღებს დავალებას, გაარკვიოს რა ხდება კონგოში. ტარზანი ჯორჯ ვაშინგტონ უილიამსთან ერთად ცდილობს გაათავისუფლოს კონგო სასტიკი სამხედრომეთაურისგან, რომელიც აკონტროლებს მსხვილ ალმასის საბადოს.

1. Ben-Hur

წელს 1959 წელს გადაღებული ცნობილი ფილმის ახალ ვერსიას ვიხილავთ. ფილმი მოგვითხრობს ცნობილი ებრაული გვარის შთამომავალზე, ბენ-ჰურზე, რომელიც თავისი რომაელი მეგობრის ერთგული იყო. წლების მანძილზე, რომაულ ბანაკებში მონობაში მყოფ ბენ-ჰურს სამშობლოში დაბრუნებისა და შურისძების შესაძლებლობა ეძლევა.