x
მეტი
  • 29.03.2024
  • სტატია:134052
  • ვიდეო:353919
  • სურათი:508250
ეს ფოტოშოპი არ არის

image

image

მითებში და ლეგენდებში ხშირად არის მოთხრობილი ჰიბრიდულ არსებებზე. ხოლო, თანამედროვე მსოფლიოში, ფოტოშოპის ოსტატები ყველანაირად ცდილობენ საზოგადოეის გაკვირვებას თავიაანთ მიერ შექმნილი უჩვეულო ცხოველებით. მაგრამ ამ სტატიაში არ არის საუბარი ფოტოშოპით შექმნილ ცხოველებზე. ყველა სურათი ნამდვილია და მათზე ასახული ცხოველები რეალურად არსებობენ!


1. ლიგრი (ინგ. liger – ხვადიი ლომი + ძუ ვეფხვი)

image
კატისებრთა ოჯახის ეს წარმომადგენლები მხოლოდ ზოოპარკებში და ადამიანების კონტროლირებად ნაკრძალებში ბინადრობენ, რადგან ხელოვნურად არიან გამოყვანილები. ისინი ძალიან სწრაფად იზრდებიან და ყველაზე დიდი კატები არიან მსოფლიოში. ლიგრები ბევრად აღემატებიან თავიაანთი მშობლების ზომებს (ლომის წონა – 150-130 კგ; ვეფხვის წონა – 170 - 310 კგ). კონკრეტულად ამ ფოტოსურათზე ასახული ლიგრი, სახელად ჰერკულესი – 410 კგ-ს იწონის.

2. ტიგლონი (ინგ. tiglon – ხვადიი ვეფხვი + ძუ ლომი)

image
საკვირველია, მაგრამ ფაქტია, რომ ლიგრს და ტიგლონს შეუძლიათ დაწყვილება და შთამომავლობის მოცემა, რაც ზოგადად, ჰიბრიდებისთვის დამახასიათებელი არ არის.


3. ზებრისა და ვირის ჰიბრიდი

image
ზებროიდის ერთ-ერთი სახეობა.


4. იაგლონი (ინგ. Jaglion ან jaguon – ხვადი იაგუარი + ძუ ლომი)

image
იშვიათი კომბინაციაა. ეს ჯაზარის და ცუნამის ფოტოებია, რომლებიც ონტარიოში, Bear Creek Wildlife Sanctuary-ს ნაკრძალში დაიბადნენ.


5. თხის და ცხვრის ჰიბრიდი

image
კიდევ ერთი იშვიათი ცხოველი, რადგან, როგორც წესი, თხის და ცხვრის შთამომავლები, ხშირ შემთხვევაში, მკვდრადშობილები არიან.



6. პოლარული დათვის და მურა დათვის ჰიბრიდი

image
ასეთი დათვები, ძირითადად ზოოპარკებში ცხოვრობენ, თუმცა რამდენიმე, ველურ ბუნებაშიც იყო შემჩნეული.


7. კოიოტის და მგლის ჰიბრიდი

image
ამ ცხოველებსაც შეუძლიათ დაწყვილება და გამრავლება.


8. ზებროიდი ( ზებრის და პონის, ცხენის ან ვირის ჰიბრიდი)

image
დარვინი იყო პირველი, ვინც ამ ცხოველის შესახებ მიაწოდა ინფორმაცია საზოგადოებას. მან აღნიშნა, რომ ეს ძალიან ჯიუტი ცხოველია და მისი მიჩვევა და გაწვრთნა ძალიან რთული არის, ის ბევრად უფრო აგრესიულია, ვიდრე ცხენი.


9. სავანა (სახლის კატის და სერვალის ჰიბრიდი)

image

ეს ყველაზე ძვირადღირებული კატაა დედამიწაზე არსებულ კატის ჯიშებს შორის. ამერიკის შეერთებულ შტატებში ამ ჯიშის გამოყვანა გასული საუკუნის 80-იან წლების დასაწყისში დაიწყეს, ხოლო პირველი ორი კნუტი 1986 წელს გაჩნდა.

სავანას წონა, შეიძლება, 15 კგ-ს აღწევდეს, ხოლო სიმაღლე – 60 სმ-ს. რაც იმას ნიშნავს, რომ ის ყველაზე დიდი ჯიშის კატა არის, სახლის კატებს შორის.

ამბობენ, რომ ეს კატები, ძალიან ჰგვანან ძაღლებს. უყვართ თამაში, არ ეშინიათ წყლის და კუდსაც კი აქიცინებენ.

10. ვეშაპდელფინი (ხვადი ზოლიანი ვეშაპი + ძუ დელფინი)

image
ძალიან იშვიათი ცხოველია. ეკუთვნის დელფინების ოჯახს, ბინადრობს მხოლოდ დელფინარიუმებში.


11. ბიფალო (ძროხის და ბიზონის ჰიბრიდი)

image
მსხვილფეხა რქოსანი პირუტყვის ეს ჰიბრიდი, XIX საუკუნის დასაწყისიდან არის ცნობილი. ის უფრო ნაკლებ ზიანს აყენებენ ეკოლოგიას, ვიდრე მათი უახლოესი ნათესავები.


12. ცხენვირი (ხვადი ცხენი + ძუ ვირი)

image
ეს ცხოველი უფრო პატარა ზომის არის ვიდრე ჯორი და უფრო იშვიათად გვხვდება, ვიდრე ეს უკანასკნელი.

13. ნარლუგა (მარტოკბილა + სვია)

image
იშვიათ ჰიბრიდთა რიცხვს ეკუთვნის, თუმცა, ამ ბოლო დროს, ჩრდ. ატლანტიკაში მათი რიცხვი საგრძნობლად გაიზარდა.


14. კამა (აქლემი + ლამა)

image
ის, 1998 წელს, დუბაის ხელოვნური რეპროდუქციის ცენტრში გამოიყვანეს, ხელოვნური განაყოფიერების გზით. ბეწვის გამო შეიქმნა, თუმცა მისი გამოყენება საპალნედაც შეიძლება.


15. ძო (ძროხა + იაკი)

image
ამ ცხოველებს ძალიან აფასებენ ტიბეტში და მონღოლეთში, დიდი რაოდენობით ხორცისა და რძის გამო, რომელსაც ისინი იძლევიან. ცხოველიბი უფრო დიდი ზომისები და ძლიერები არიან, ვიდრე ძროხა და იაკი ცალ-ცალკე. თუმცა ითვლება, რომ ახლა, იმ რეგიონებში, სადაც აღნიშნული ცხოველები ბინადრობენ, გენეტიკურად სუფთა სისხლის ძროხის და იაკის მოძებნა უკვე ძნელია.


16. ლეოპონი (ხვადი ლეოპარდი + ძუ ლომი)

image
ერთ-ერთი ყველაზე ლამაზი ცხოველი, ჰიბრიდულ ცხოველებს შორის.


17. ჯორი (ხვადი ვირი + ძუ ცხენი)

image
ჯორი ცხენისა და ვირის შეჯვარების შედეგად მიიღება. მაგრამ უნდა აღინიშნოს, რომ ძუ ცხენის და ხვადი ვირის დაწყვილებით, უფრო ძლიერი შთამომავლობა იბადება, ვიდრე მაშინ, როდესაც ხვადი ცხენია. ამ უკანასკნელი კომბინაციის დროს, მიღებული ცხოველი (ცხენვირი) ძნელი მოსავლელია, საკვებსაც შერჩევით ჭამს და უფრო მალეც კვდება. რაც შეეხება ჯორს, ის 4 წლის ასაკიდან სრული დატვირტვით მუშაობს: აზიაში, აფრიკაში, სამხ. ევროპაში და სამხ. ამერიკაში მას დღემდე აბავენ ოთხთვალაში და მცირე ზომის ფერმერულ მეურნეობებში იყენებენ.

18. ბიზრონი (ძროხა + დომბა (ლათ. Bison bonasus))

image
ეს ცხოველები ძალიან ძლიერები და გამძლეები არიან, ავად თითქმის არასდროს ხდებიან. ერთი პერიოდი, მათ მსხვილფეხა რქოსანი პირუტყვის ალტერნატივადაც განიხილავდნენ. ამჟამად, მათი მხოლოდ მცირე ჯოგი ბინადრობს, ბელოვეჟის ეროვნულ პარკში (პოლონეთი).

0
2075
9-ს მოსწონს
ავტორი:ლალი ადიკაშვილი
ლალი ადიკაშვილი
Mediator image
2075
  
კომენტარები არ არის, დაწერეთ პირველი კომენტარი
0 1 0