შიდა ქართლი გორში ახალგაზრდებმა მიწისქვეშა გადასასვლელი დაასუფთავეს 2016, 27 მარტი, 9:11 გუშინ გორის ცენტრში არსებული მიწისქვეშა გადასასვლელი, რომელიც წლებია
დაბინძურებულია, გორელმა ახალგაზრდებმა საკუთარი ინიციატივით დაასუფთავეს.
აღნიშნული მიწისქვეშა გადასასვლელი დაახლოვებით 15 წელია მოუვლელეია, მისი
დაბინძურება მოსახლეობის არასათანადოდ გამოყენებამ გამოიწვია.
რაც არ უნდა გასაკვირი იყოს, ამ მიწისქვეშა გადასასვლელის ზემოთ, სავაჭრო ობიექტი დგას, რომელიც კონკრეტულ კომპანიას ეკუთვნის, მართალია სავაჭრო ჯიხური ჯერ არ ფუნქციონირებს, მაგრამ როგრც ჩვენ გვითხრეს, აღნიშნულმა კომპანიამ ამ ადგილას ჯიხურის განთავსების უფლებასთან ერთად, მიწისქვეშა გადასასვლელის დასუფთავების და მოწესრიგების ვალდებულებაც აიღო. 
თუმცა ჯერჯერობით უცნობია აპირებს თუ არა ეს კომპანია ამ ტერიტორიის დასუფტავებას და რა ვადებში. 
მიუხედავად იმისა, რომ მეეზოვეები ყოველ დილით გვიან ამ ტერიტორიას, დღისგანმავლობაში მოქალაქეების მიერ უაღრესად ბინძურდება, მის სიახლოვეს ჩავლა და მითუმეტეს შიგნით ჩასვლა დიდ გმირობას საჭიროებს. ახალგაზრდების მხირდან ასეთი საქციელი, სამოქალაქო აქტივობის საუკეთესო მაგალითია ყველა ჩვენგანისთვის. მოხალისე ახალგაზრდებმა დასუფთავებასთან ერთად საყურადღებო მესიჯებიც დატოვეს იმ ადამიანთა მისამართით, ვინც მიწისქვეშა გადასასვლელს სხვა საჭიროებისთვის იყენებს.     361 5-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
