ესპანელმა ოპერის მომღერალმა ესპანური Got Talent-ის ჟიურის შოკირება გამოიწვია.იმდენად მოულოდნელი იყო მისგან განხორციელებული შემდეგი ნაბიჯი.

კრისტინა რამოსი (Cristina Ramos)გამოვიდა ჟიურის და მაყურებლების წინაშე და უნაკლოდ დაიწყო ოპერის არიის შესრულება, ერთი წუთის შემდეგ ახალგაზრდა ქალმა გაიძრო კაბა და წამებში როკერად გადაიქცა.

დაიწყო AC/DC-ის ცნობილი ჰიტის, "Highway To Hell"-ის შესრულება.

37 წლის მომღერლის გამოსვლა იმდენად შთამბეჭდავი გამოდგა, რომ ჟიურის ერთ-ერთმა წევრმა პირდაპირ "ოქროს ზუმერს" დააჭირა, რაც იმას ნიშნავს, რომ რამოსი გამოტოვებს კონკურსის შემდეგ რაუნდს და პირდაპირ გადავა "live shows"-ზე.

ვიდეო 3 დღის წინ დაიდო You tube-ზე და 1, 4 მილიონი ნახვა აქვს.

ამასობაში კი ლეგენდარული AC / DC მორიგი საკონცერტო ტურნეს წინ ეძებს ახალ სოლისტს იმისთვის, რომ შეცვალოს ბრაიან ჯონსონი.68 წლის მომღერალს ექიმებმა აუკრძალეს სცენაზე გამოსვლა სმენის პრობლემების გამო.თუ გააგრძელებს მომღერალი მოღვაწეობას შესაძლოა მთლიანად დაყრუვდეს.