მსოფლიოში დღესდღეობით უამრავი გაცნობის საიტია, სადაც ნებისმიერ ადამიანს შეუძლია მისთვის სასურველი პარტნიორის მოძებნა და შერჩევა. თქვენ წარმოიდგინეთ, საკმაოდ ხშირია შემთხვევები, როცა ამ საიტების საშუალებით გაცნობილ ადამიანებს ერთმანეთი შეყვარებიათ და ოჯახებიც შეუქმნიათ, სხვათა შორის, საკმაოდ მყარი, მაგრამ გვხდება უჩვეულო სიტუაციებიც, როცა პოტენციური სასიძოს ან საპატარძლოს ამბიციები ყოველგვარ ზღვარს სცილდება და მათ მიერ წარმოდგენილი ფოტოები თუ მომავალი მეუღლის მიმართ წამოყენებული მოთხოვნები უკვე მარაზმში გადადის.

სწორედ ასეთ უცნაურ ეგზემპლარს წავაწყდი გაცნობის ერთ-ერთ რუსულ საიტზე. მაშ ასე, თქვენს წინაშეა პრინცი იგორი ...გოგოებო, თვალები ფართოდ გაახილეთ, ვინ იცის, იქნებ ბედმა გაგიღიმოთ!!!

სახელი: იგორი

ქალაქი: სანკტ-პეტერბურგი

ასაკი: 39 წლის

გავიცნობ: გოგონას 16-დან 20 წლამდე

ჩემი მოთხოვნებია: სამეფო ნელ-ნელა ფართოვდება, მაგრამ ღირსეული კონკია ჯერ კიდევ არა ნაპოვნი ( ცუდი თვისებების გარეშე, მშვენიერი გარეგნობით და მაღალი ინტელექტით). ვეძებ გოგონას, ვინც გადაიქცევა პრინცესად, რომელსაც შეეძლება ერთგულება, პატიოსნება და სიყვარული. არ მომწერონ ისეთებმა, რომელთაც აქვთ განდიდების მანია, ქალებმა, რომლებსაც საკუთარი თავი ყველაზე კარგი ჰგონიათ და სხვებს ზემოდან უყურებენ; არ მომწერონ უიღბლოებმა, ვისაც ქორწინებაში არ გაუმართლა; არატრადიციული ორიენტაციის ადამიანებმა; გაბოროტებულმა იდიოტებმა, ვისი დისკუსიები, რჩევები და კომენტარები აქ არავის სჭირდება; კომენტარები არ დატოვოთ - არ მაინტერესებს; სხეულს გასაყიდად ნუ შემომთავაზებთ - ბოზებს ვერ ვიტან; მომწერეთ მხოლოდ საქმის შესახებ, სხვა სიტყვიერი ფაღარათი მხედველობაში არ მიიღება.

ველი ჩემს კონკიას!

და ამ მოკლე მოთხოვნების შემდეგ ჩვენი პრინცი იგორი გაცნობის საიტზე აქვეყნებს "თვალისმომჭრელ" სურათებს. გოგონებო, სცადეთ, იქნებ გაგიმართლოთ და თქვენ აღმოჩნდეთ ის კონკია, რომელსაც ასე გულმოდგინედ დაეძებს უიღბლო უფლისწული!