მოსკოვის პოლიციის უფროსმა ანატოლი იაკუნინმა Интерфакс-თან ინტერვიუში განაცხადა, რომ რუსეთის დედაქალაქი ერთი წლის განმავლობაში საბოლოოდ გაიწმინდება ე.წ. „კანონიერი ქურდებისაგან“.

-ეს ხალხი აგრძელებს თავიანთი კრიმინალური იდეოლოგიის გავრცელებას და ფორმირებას. -განაცხადა იაკუნინმა, - მათ კონტროლქვეშაა რამდენიმე ორგანიზებული დანაშაულებრივი ჯგუფი, რომლებიც სატრანსპორტო საშუალებათა ქურდობით, ნარკობიზნესით, პროსტიტუცით და თაღლითობით არიან დაკავებულები.კოლეგებთან ერთად დავისახეთ მიზნად წელსვე, პირველსავე ეტაპზე, მათ ეკონომიკური საფუძველი გამოვაცალოთ.ეს არის სამარცხვინო მოვლენა და მათ ბოლო უნდა მოეღოთ".

იაკუნინის განცხადებით, 2015 მოსკოვში დააკავეს და ციხეში მოათავსეს 10 კანონიერი ქურდი. რამდენიმე მათგანი დაკავებულია 2016-შიც.როგორც მოსკოვის მთავარმა პოლიციელმა განაცხადა "მოსკოვში დროდადრო კიდევ 15-მდე ქურდი ჩამოდის და უკან მიდის".

თუმცა როგორც გამოცემა "преступная россия" სანდო წყაროზე დაყრდნობით აცხადებს, დედაქალაქში არა 15, არამედ 200-მდე "კანონიერი ქურდი" ცხოვრობს.