1928 წ. დაჭრილი პური - როდესაც ოტო როვედერმა პურის საჭრელი აპარატი გამოიგონა, ხაბაზებს ეგონათ, რომ ეს არ იყო ჭკვიანური იდეა, ვინაიდან დაჭრილი პური გახმებოდა.როგორც აღმოჩნდა, ხაბაზები მწარედ ცდებოდნენ.

1938 წ. ბურთულიანი კალამი - უნგრელმა ლასლო ბირომ ბურთულიანი კალამი გამოიგონა, თუმცა მეორე მსოფლიო ომის გამო მისი წარმოება 1943 წლამდე გადაიდო.

1957 წ. კოსმოსური თანამგზავრი - საბჭოთა კავშირმა პირველი ხელოვნური თანამგზავრი "სპუტნიკ 1" 14 ოქტომბერს გაუშვა. ერთი თვის შემდეგ ძაღლი, სახელად ლაიკა "სპუტნიკ 2"-ის ბორტზე მოხვდა და კოსმოსში იმოგზაურა.

1977 წ. პერსონალური კომპიუტერი - პერსონალურმა კომპიუტერმა ჩვენი ცხოვრება მნიშვნელოვნად შეცვალა. დღეს უკვე განვითარებული ქვეყნების ყველა ოფისში, სკოლაში და სახლში შევხვდებით პერსონალურ კომპიუტერს.

1979 წ. ფიჭური ტელეფონი - პირველი კომერციული ფიჭური ტელეფონი დაახლოებით აგურის ზომის იყო. ის იაპონიაში შექმნეს, თუმცა იდეა უკვე 20 წელს ითვლიდა.

1982 წ. კომპაქტ-დისკი - პირველი კომპაქტ-დისკები ბაზარზე 1982 წელს გამოვიდა. მონაცემების ციფრული ფორმით ჩაწერის ეს მეთოდი დღემდე პოპულარულია.

1983 წ. ინტერნეტი - ინტერნეტი აშშ-ის უნივერსიტეტებისა და სამხედრო ინფრასტრუქტურის დამაკავშირებელი კომპიუტერების ქსელიდან წარმოიშვა. დღეს ინტერნეტს მთელ მსოფლიოში იყენებენ.

2001 წ. MP3-ფლეიერი - "ეფლმა" პირველი პორტაბელურ M3-ფლეიერს, "აიპოდი" უწოდა. ორი წლის შემდეგ M3-ფლეიერები მობილურ ტელეფონებშიც ჩაინერგა.