x
მეტი
  • 19.08.2017
  • სტატია:68465
  • ვიდეო:320962
  • სურათი:421344
ნიკა გვარამია "წარმავალი კლასის წარმომადგენელ ორ ფუყე თავთავს" ეხმაურება-"სოხუმელი ვარ და ვიღაცის გაგებით, სოფლელი..."

image
ნიკა გვარამია უცნობის იგივე გიორგი გაჩეჩილაძის განცხადებას სოფლელ ჟურნალისტებთან დაკავშირებით და ბიზნესმენ ლევან ვასაძის გამონათქვამს-

"თუ ასე გაგრძელდა, ჩვენი შვილები საუკეთესო შემთხვევაში იქნებიან ოფიციანტები, ღმერთმა დაიფაროს"-ო სოციალური ქსელით ეხმიანება.

"წარმავალი კლასის წარმომადგენელ ორ ფუყე თავთავს ვეხმაურები:
1. სოხუმელი ვარ და ვიღაცის გაგებით, სოფლელი და რასაც მივაღწიე, ყველაფერს ჩემით მივაღწიე. არასდროს არავინ არაფერში არ დამხმარებია. იოტისოდენითაც კი. მიდი, აბა შემეჯიბრე შენ და შენი ვაკელობა. მიდი, აბა "სოფლელ" ბარბარე სამხარაძეზე და გიორგი ნაკაშიძეზე უკეთ იმღერე. პრეტენზიულო და ფუქსავატო უნიჭო. ყველაფერში უნიჭო.
2. სტუდენტობაში, გაჭირვებული და ღატაკი ლტოლვილი რომ ვიყავი, ოფიციანტად მუშაობა ჩემი ოცნება იყო. აუხდენელი. თავი რომ გამომეკვება და დედისთვის მომევლო (მამაჩემი ზვიადისტობის მოტივით გადახვეწეს ამ ქვეყნიდან), სწავლის პარალელურად, ყველაფრის კეთება მიწევდა - აბიტურიენტების მომზადებიდან დაწყებული (სუფთა და მაღალანაზღაურებადი სამუშაო), მშენებლობებზე აგურების თრევით და ვაგზალზე სხვისი ბარგის გადატანით დასრულებული. უწესიერესი მშობლები მყავდა, რომლებმაც, რაც მთელი ცხოვრება აგროვეს აფხაზეთში, ერთიანად დაკარგეს ყველაფერი და რა ვქნათ, შარლატანი მშობლების ფულებით თუ ვერ წავედი უცხოეთში, იქ რომ მესწავლა, ძლივს დამემთავრებინა, მერე რუსეთში გაუგებარი მანქანებით ფული მეშოვნა და ისევ ჩემი გზაზე დამყენებელი ამერიკა მეგინებინა.
მოკლედ, თქვენ თავზეც გავიარეთ ჩვენ სოფლელებმა და ოფიციანტება, თქვე დროს აცდენილო, შეუმდგარო უმომავლო ქაჯებო."image

0
156
4-ს მოსწონს
1-ს არა
ავტორი:ციცი
ციცი
Mediator image
156
  
კომენტარები არ არის, დაწერეთ პირველი კომენტარი
0 1 0