ვალენტინობის დღე მალე დადგება და ბევრი მას მოუთმენლად ელოდება. ძვირფასო მამაკაცებო თქვენი შეყვარებულები, ამ დღეს, საოცარ საჩუქრებს ელოდებიან თქვენგან. იმედებს ნუ გაუცრუებთ მათ! თუ ფიქრით თავი «გიდუღთ» და არ იცით რა აჩუქოთ, ქვემოთ მოცემული რჩევებით ისარგებლეთ!

თუ 14 თებერვალს თქვენი შეყვარებული სწავლობს ან მუშაობს, გაუგზავნეთ გულის ფორმაში გამოწყობილი კურიერი პირდაპირ აუდიტორიაში ან სამუშაოზე. და რა თქმა უნდა, წინასწარ უნდა მოამზადოთ ლამაზად შეფუთული საჩუქარი, მისი საყვარელი ყვავილების თაიგული და სასიყვარულო გზავნილი, რომელსაც კურიერი ყველას თანდასწრებით წაიკითხავს. თუ თქვენი შეყვარებული იმ დღეს თავისუფალია, ის და მისი მეგობრები მყუდრო კაფეში დაპატიჟეთ და კურიერი იქ გაგზავნეთ. ხოლო საღამოს შეხვდით და პირადად მიულოცეთ.

2. ვიდეო მილოცვა
ვიდეო მილოცვის გაკეთება რთული არ არის. მთავარი, ამ შემთხვევაში, ტექსტის შერჩევა არის, რომელიც ჩვეულებრივი კამერის წინ უნდა წაიკითხოთ. შეგიძლიათ ასევე, სიმღერა ჩაწეროთ და ერთობლივად გადაღებული ფოტოსურათების სლაიდშოუს დაუდოთ ფონად.
3. მოულოდნელი სიურპრიზი
თქვენი შეყვარებულის სადარბაზოს წინ, შეგიძლიათ სანთლები დაალაგოთ, ისე რომ ერთობლივად გულის ფორმას ქმნიდეს. შეგიძლიათ დაზღვეული წერილი გაუგზავნოთ, რომელსაც 14 თებერვალს გადასცემენ. ან მტრედი გაუგზავნოთ, ფეხზე მობმული გზავნილით. და ბოლოს, თუ ფინანსური შესაძლებლობა საშუალებას გაძლევთ, მის სახლთან, სასწავლებელთან ან სამუშაო ადგილთან ახლოს მდებარე ბანერზე გაუკეთეთ სასიყვარულო გზავნილი .

4. ხელი სთხოვეთ
თუ წელს ოჯახის შექმნა გაქვთ გადაწყვეტილი – ხელის სათხოვნელად, 14 თებერვალზე საუკეთესო დროს ვერ ნახავთ. ამ დღეს, ხელისა და გულის შეთავაზება – სუსტი სქესის ყველა წარმომადგენლის ოცნება არის. სად და როგორ გააკეთებთ ამას, უკვე თქვენს ფანტაზიაზე და ფინანსურ შესაძლებლობაზე არის დამოკიდებული.

ამ საჩუქრის გაკეთებას დამოუკიდებლად ვერ შეძლებთ. ჯერ ერთობლივად გადაღებული ფოტოები უნდა ამოაბეჭდინოთ ქსოვილზე (ყურადღება მიაქციეთ ქსოვილის ხარისხს, რეცხვის დროს ფერები არ უნდა ჩამოირეცხოს), შემდეგ მკერავს უნდა მიუტანოთ, რომ მსოფლიოში ყველაზე თბილი პლედი შეგიკეროთ.

6. სათამაშო ყვავილებით
ამ საჩუქრის შეკვეთა ფლორისტულ მაღაზიაში შეიძლება. უბრალოდ თაიგულის ჩუქება მეტისმეტად ბანალურია. მაგრამ თუ ყვავილებით შექმნილ დათუნიას ან თუნდაც გულს აჩუქებთ შეყვარებულს – ეს უკვე სულ სხვა იქნება!
7. მოგონება

მოუწყეთ მას ისეთი ზეიმი, რომელსაც არასოდეს დაივიწყებს. შოკოლადს და ოქროს ნივთებს მალე ივიწყებენ, მაგრამ რომანტიკული საღამო პარიზში ან სხვა მისთვის უცხო ქალაქში – მუდამ ემახსოვრება. მაგრამ, თუ ასეთი საღამოს მოსაწყობად ფინანსური შესაძლებლობები არა გაქვთ, აჩუქეთ მას სპა სალონის ან მაღაზიის სასაჩუქრე ბარათი. შეასრულეთ თქვენი შეყვარებულისთვის კეთილი ფერიას როლი.
8. ხელით ნაკეთი ნივთი
ასეთი ნივთის გაკეთება თავად თუ არ შეგიძლიათ, შეგიძლიათ სპეციალისტს დაუკვეთოთ ან მზა ნივთი შეიძინოთ და ზედ, თქვენი და თქვენი შეყვარებულის სახელები ამოატვიფრინოთ.

9. შინაური ცხოველიეს საჩუქარი იმ შემთხვევაში უნდა აჩუქოთ, თუ თქვენი შეყვარებული, რომელიმე ჯიშის ლეკვზე ან კნუტზე ოცნებობს. შესაფერისი საჩუქრის შეძენის შემდეგ, ყელზე ბაფთით მისალოცი ბარათი მიამაგრეთ, ჩასვით სასაჩუქრე კოლოფში და მის კარებთან დატოვეთ. რა თქმა უნდა, გააკონტროლეთ რომ «ამანათი» იმან მიიღოს, ვისთვისაც არის დატოვებული.
10. პერსონალური საიტი

თუ თქვენი შეყვარებული წერს ლექსებს, მოთხრობებს, ხატავს ან გატაცებულია ფოტოგრაფიით, შეგიძლიათ პერსონალური საიტი აჩუქოთ, მისი შემოქმედების პოპულაციისთვის.