x
ჩვენი თითების ანაბეჭდები.. ვის და რისთვის სჭირდება ისინი?
8 თებერვალი, 23:50

თითოეული ჩვენგანის თითების დაბოლოებებზე არის გარკვეული ნაყში, რომელიც ყველა ადამიანისათვის განსხვავებული და უნიკალურია. ადამიანის სიცოცხლის მანძილზე, ასაკის მატების მიუხედავად, ეს ანაბეჭდი უცვლელი რჩება იმ დროს, როცა ხელზე არსებული სხვა ხაზები გამუდმებით იცვლება. ითვლება, რომ ეს ნაყშები საჭიროა იმისათვის, რომ უფრო იოლად დავიჭიროთ ხელში საგნები, აგრეთვე ის აუცილებელია სხვადასხვა საგნების უკეთ შეგრძნებისათვის.

მოდით, გავიგოთ, რა საიდუმლოს ინახავენ ჩვენი თითების ანაბეჭდები და ვის და რაში სჭირდება ისინი?


image



თითის ანაბეჭდები ხელმოწერის მაგივრად


image

ჯერ კიდევ XIV საუკუნეში ჩინელები თითის ანაბეჭდებს იყენებდნენ საბუთებსა და სხვადასხვა ქაღალდებზე ხელმოწერის მაგივრად. XIX საუკუნის შუახანებში ინგლისელი ჩინოვნიკი უილიამ გერშელი, რომელიც ინდოეთში მუშაობდა, გაოცებული დარჩა იმით, რომ ჩინელი ვაჭრები, რომელთაც ინდოეთში საქონელი ჩამოჰქონდათ, გარიგების დადების დროს ხელშეკრულების ფურცელზე ხელის მოწერის ნაცვლად სვამდნენ ტუშში ან მურში ამოსვრილ ცერა თითის ანაბეჭდს. 1858 წლიდან მოყოლებული, გერშელმა თავად დაიწყო ანაბეჭდების აღება ინდოელი ჯარისკაცებისაგან, რომლებიც მის დაქვემდებარებაში იყვნენ. ეს იყო ანაბეჭდების აღების პირველი მასობრივი შემთხვევა.



დაქტილოსკოპია


image

ადამიანის ამოცნობის პროცესს თითის ანაბეჭდების მიხედვით დაქტილოსკოპია ეწოდება. მან ყველაზე ფართო გამოყენება კრიმინალისტიკაში ჰპოვა. 1902 წლის აპრილში სისხლის სამართლის ისტორიაში პირველად დანიაში დაქტილოსკოპია გამოყენებული იქნა დამნაშავის ამოსაცნობად, ხოლო იმავე წლის სექტემბერში დიდ ბრიტანეთში მკვლელობის ადგილზე აღებული ანაბეჭდები პირველად გამოიყენეს ეჭვმიტანილისათვის ბრალის წასაყენებლად.



თითის ანაბეჭდები გასაღების მაგივრად


image

ტექნიკის განვითარებასთან ერთად ანაბეჭდების გამოყენება სულ უფრო მასშტაბური გახდა. ასე, მაგალითად, ის ფართოდ გამოიყენება სეიფების ან საკეტების გასაღებად. ამ შემთხვევაში სეიფის პატრონი 100%-ითაა დარწმუნებული, რომ გასაღებს არასოდეს დაკარგავს ან მას ვერავინ მოიპარავს. მოწყობილობის ასამუშავებლად გამოიყენება საკმაოდ რთული სისტემა AFIS - Automated fingerprint identification systems (თითის ანაბეჭდების ავტომატური იდენტიფიკატორი). მათში გამოყენებული სკანერები შეიძლება იყის ოპტიკური, ნახვედრადგამტარული და ულტრაბგერითი.



თითის ანაბეჭდები საფულის და პლასტიკური ბარათის მაგივრად


image

ბარსელონური სტარტაფის Paytouch -ის მიერ შემოთავაზებული ტექნოლოგია სახელწოდებით Paytouch საშუალება გვაძლევს სუპერმარკეტებში ან სხვა დაწესებულებებში ფული გადავიხადოთ თითის ანაბეჭდების საშუალებით. პირველი ბიომეტრული გადასახდელი ტერმინალი 2012 წელს ამუშავდა იბიცაზე Ushuaia Ibiza Beach Hotel-ში ( ესპანეთი). ექაუნტ Paytouch-ის მომხმარებლები უბრალოდ ახდენენ თავიანთი საბანკო ბარათების დაკავშირებას საკუთარი თითის ანაბეჭდთან. თანხის გადასახდელად საკმარისია ორი თითი შეახოთ გადასახდელ ტერმინალს.



თითის ანაბეჭდები პაროლის ნაცვლად


image

ჩვენს თითებზე აღბეჭდილმა ნახატებმა დიდი პოპულარობა ჰპოვა უსაფრთხოების სისტემების დამმუშავებლებს შორის. თურმე თითების სკანირება შეიძლება გამოყენებული იქნას პაროლის ან PIN-კოდის ნაცვლად კომპიუტერებსა და სხვა გაჯეტებში. ასე მაგალითად, ახალი სმარტფონი Honor 5x აღჭურვილია თითის ანაბეჭდების სკანერით. სკანერს გააჩნია მრგვალი ფორმა ზუსტი ანაბეჭდის მისაღებად. ამოცნობა სრულდება ნახევარი წამის განმავლობაში.


გარდა ჩამოთვლილისა, თითის ანაბეჭდებს კიდევ გააჩნიათ სხვადასხვაგვარი დანიშნულება, მაგალითად, ისრაელში უკვე რამოდენიმე წელია მათ იყენებენ სახელფასო ბარათის მაგივრად და ასევე პოლიკლინიკებში ავადმყოფების იდენტიფიკაციისათვის.

გახსოვდეთ, რომ თქვენი თითის ანაბეჭდები მხოლოდ და მხოლოდ თქვენი კუთვნილებაა და ეცადეთ, არავითარ შემთხვევაში არ გასცეთ ის, რათა თავიდან აიცილოთ უსიამოვნებები. ეს მონაცემები სხვებს შეუძლიათ თქვენს წინააღმდეგ გამოიყენონ. მათ, ვინც არ იცის, თუ რა საშიშროება იმალება ელექტრონულ ჩიპებსა და თითის ანაბეჭდებზე დამყარებულ სხვა მოწყობილობებში, მინდა შევთავაზო სამეცნიერო პოპულარული ფილმი "ტექნოტრონული დიქტატურის ერა, ტოტალური კონტროლი. ელექტრონული საკონცენტრაციო ბანაკი". ფილმი საკმაოდ გრძელია, მაგრამ მშვენივრად გვიხსნის, თუ რა არასასიამოვნო სიურპრიზებს გვიმზადებს ელექტრონული პასპორტები და სხვა ბიომეტრული იდენტიფიკატორები.


237
10-ს მოსწონს
7
გასაჩივრება
მომწონს
 
 
ავტორი:მანჩო 777
მანჩო 777
Mediator image
Mediator image
Mediator image
   ქართული კლავიატურა
კომენტარები არ არის, დაწერეთ პირველი კომენტარი
0 1 0
ცხოველების ფეხმძიმობის ძალიან საინტერესო ფოტოკოლაჟიცხოველების ფეხმძიმობის ძალიან საინტერესო ფოტოკოლაჟი
ცხოველებისთვის ფეხმძიმობის პერიოდი სხვადასხვა დროის მანძილზ...
ყველაზე გახმაურებული რიტუალური მკვლელობებიყველაზე გახმაურებული რიტუალური მკვლელობები
თბილისში, ბერი გაბრიელის ქუჩაზე მომხდარმა რიტუალურმა მკვლელობამ მთე...
დაქტილოსკოპია ( ხელის კვალი)დაქტილოსკოპია ( ხელის კვალი)
დაქტილოსკოპია არის კრიმინალისტიკური მეცნიერების დარგი , რომელიც შეისწავლის თითის...
უცნაური უძველესი გვამი იქნა აღმოჩენილი ტაილანდში...უცნაური უძველესი გვამი იქნა აღმოჩენილი ტაილანდში...
მუკდახანში (ტაილანდი) ძველ სასაფლაოზე წარმოებული გათხრების ...
მომავალი სამყაროს პროგნოზი 2099 წლამდემომავალი სამყაროს პროგნოზი 2099 წლამდე
რეი კურცვეილი არის ერთ-ერთი თანამედროვე მიღწევების სფეროში უძლიერესი და ...
საუკუნის გამოცანა მედიცინაში: „მზის ბიჭუნები“ პაკისტანიდანსაუკუნის გამოცანა მედიცინაში: „მზის ბიჭუნები“ პაკისტანიდან
პაკისტანში ექიმები ორი ადგილობრივი მცხოვრების, ორი ...
იცოდით, რომ მუშტის შეკვრით ფარდას ახდით თქვენს საიდუმლოს?იცოდით, რომ მუშტის შეკვრით ფარდას ახდით თქვენს საიდუმლოს?
თქვენმა სხეულმა გაცილებით მეტი იცის თქვენზე, ვიდრე თ...
გემოვნება რატომ იცვლება ასაკის მატებასთან ერთადგემოვნება რატომ იცვლება ასაკის მატებასთან ერთად
მეცნიერებმა გაარკვიეს, რომ პროდუქტების ნაწილს ჩვენ მხოლოდ 20 წ...
იცოდით თუ რას განსაზღვრავს თქვენი დაბადების რიცხვი?იცოდით თუ რას განსაზღვრავს თქვენი დაბადების რიცხვი?
შემთხვევით ალბათ არაფერი ხდება ამ ქვეყნად. როგორც ჩვენს დაბ...