ტელეკომპანია "რუსთავი 2"-ის გენერალური დირექტორი ნიკა გვარამია თავდაცვის მინისტრს მიმართავს და ტელეკომპანიისთვის ბოდიშის მოხდას სთხოვს.

"გახსოვთ, ქალბატონო მინისტრო, რა ლაფი ასხით რუსთავი 2ს, რამდენიმე თვის წინ ამას რომ ვამბობდით?

ვყოფილვართ მართალი? თუ ჩვენ მოგონილ დეზინფორმაციას დაეყრდნო გაერო თავის ანგარიშში?

მგონი, არ იქნება ურიგო, ბოდიში მოუხადოთ რ2ს"-წერს ნიკა გვარამია სოციალურ ქსელში.

შეგახსენებთ, რომ გაეროს ადამიანის უფლებათა დაცვის უმაღლესი კომისრის ანგარიშში სხვა ქვეყნის სამშვიდობოებთან ერთად სექსუალური ხასიათის ძალადობაში ქართველი ჯარისკაცების სავარაუდო მონაწილეობაზეცაა საუბარი. ანგარიშის გამოქვეყნებას თავდაცვის სამინისტროში 6 სამხედროს თანამდებობიდან დროებით გადაყენება მოჰყვა.

"სხვათაშორის სრულიად არაფერშუაშია ეს ორი ამბავი ერთმანეთთან. თქვენ რაც დაგვაბრალეთ იქ ჩვენები არაფერ შუაში რომ არ იყვნენ ეს უკვე დადასტურებულია. კალენდარის ამბავია, მესმის ალბათ ამასთანაც პრობლემა გაქვს, როგორც ზოგადად ფაქტებთან. დღეს ასევე არაფერია დადასტურებული. თუმცა ისევე როგორც მაშინ ეხლაც გავარკვევთ, მოვიკვლევთ და გამცნობთ, მაშინ ამას უბრალოდ 24 საათი ეყო იმიტომ რომ საერთოდ არ ვიყავით მისიაში როცა გვაბრალებდით. ეხლა უდრო რთული გამოსაძიებელია. არ არის საჭირო ნიშნის მოგებით საუბარი, მით უფრო როცა არ ხარ მართალი. აბა ჰე, შენ იცი აწი"-წერს ხიდაშელი.

ნიკა გვარამია: "არც ჩვენ ვადასტურებდით რამეს, ფრანგული პრესის ინფო გავაშუქეთ და არც ნიშნის მოგებაა შუაში და არც ფაქტები მეშლება, ნამდვილად"

თინათინ ხიდაშელი: "მგონი კი გეშლება. შეიძლება გააშუქო რაც გინდა მაგრამ უადვილესია გაარკვიო როცა ასეთი მარტივია. არ ვიყავით იქ, არ ვიყავით იმ კონტინენტზე საერთოდ და რა გავაკეთო ეხლა. ცერცვის ამბავია".

ნიკა გვარამია: "უბრალოდ, როგორი ვნებითაც დაგვასხი, კეთილგონიერი ადამიანი, უკან მაინც წაიღებდა იმავე თუ არა, ნაკლები ვნებით"