კაცობრიობა თავისი მრავალსაუკუნოვანი არსებობის მანძილზე გამუდმებით ქმნიდა გასაოცარ შედევრებს არქიტექტურული ხელოვნებისა და თითქოს თანამედროვე ადამიანის რითიმე გაკვირვება ძნელია, მაგრამ თანამედროვე ტექნოლოგიები შესაძლებლობის საზღვარს აფართოებს და ერთი შეხედვით შეუძლებელს შესაძლებლად ხდის.

მაშ ასე, გთავაზობთ ტოპ-ათეულს 2015 წელს აშენებული ათი ყველაზე გრანდიოზული და გასაოცარი შენობა-ნაგებობისა.

1. პეკინის აეროპორტი

2015 წელს დასრულებული პეკინის აეროპორტი გახდა ჩინეთში პირველი და მსოფლიოს ტერმინალებს შორის ერთ-ერთი უდიდესი. აეროპორტი შედგება მთავარი სამგზავრი ტერმინალის, ორი სატელიტის, ორი მიწისქვეშა და ხუთი მიწისზედა სართულისაგან. აეროპორტიდან ხორციელდება შიგა და საერთაშორისო რეისები, ხოლო ტერმინალები მასპინძლობენ მნიშვნელოვან საერთაშორისო დელეგაციებს და დიპლომატიურ მისიებს.

2. დამბა "სამი ხეობა"

წარმოდგენაც კი რთულია იმისა, თუ რა რაოდენობის ბეტონი დაიხარჯა მდინარე იანძიზე (ჩინეთი) წარმოებულ ამ გრანდიოზულ მშენებლობაზე. მსოფლიოში ყველაზე დიდი და ძლიერი ელექტროსადგური, ჩინური არქიტექტურის გასაოცარი შედევრი 1992 წლიდან შენდება. 2015 წელს ყველა ძირითადი სამუშაო დასრულდა და დამბა უკვე გამოიმუშავებს კოლოსალური რაოდენობის ენერგიას. მხოლოდ ერთი ფაქტი, რომელიც წარმოდგენას შეგიქმნით ამ ნაგებობაზე- წყალსაცავის აშენებისათვის საჭირო გახდა 1, 3 მილიონი ადამიანის გადასახლება. ელექტროსადგურის 32 გენერატორი 22 500 მეგავატ ენერგიას გამოიმუშავებს. ელექტროსადგურის მშენებლობაზე დაახლოებით 30 მილიარდი დოლარი დაიხარჯა.

3. პანამის არხის გაფართოება

პანამის არხი ნაოსნობისათვის 1914 წელს გაიხსნა და დღემდე ნამდვილ ოქროს ზოდს წარმოადგენდა მისი მეპატრონეებისათვის, მაგრამ ძველ არხი უკვე ვეღარ იტევდა მომრავლებული საზღვაო გადაზიდვების ნაკადს, ამიტომ არხის მფლობელმა კომპანიამ გადაწყვიტა აეშენებინა ახალაი სანაოსნო ტრასა, რომელიც არხის ყველაზე ვიწრო ადგილს შეცვლიდა. 4 კილომეტრი სიგრძის არხი მთლიანად ბეტონითაა ნაშენები - ამ საქმეზე სულ 4, 4 მილიონი კუბომეტრი ბეტონი დაიხარჯა.

4. პორტ-მანის ხიდი

ბეი - ბრიჯის ნავსადგურზე გადაჭიმული ხიდი მსოფლიო რეკორდსმენი გახდა ერთბაშად რამოდენიმე მაჩვენებლით - ყველაზე ფართო ხიდი მსოფლიოში, ყველაზე გრძელი ხიდი ჩრდილოეთ ამერიკაში და ყველაზე რთული საბაგირო ხიდი, რომელიც კი ოდესმე აშენებულა.

5. აიზაის დაკიდებული ხიდი

ჩინეთში, დეჰანგის ხეობაში აშენებული 1175 მეტრი სიგრის დაკიდებული ხიდი გახდა რეკორდსმენი ამ ტიპის ხიდებს შორის. ხიდი აერთიანებს ორ საავტომობილო გვირაბს, გაყვანილს მთების შუაგულში.

6. სტადიონი FFR Grand

მოძრავსახურავიანი სტადიონით დღეს ვერავის გააკვირვებ, მაგრამ სულ სხვაა მოძრავი მინდორი. სწორედ ამით გამოირჩევა პარიზის სამხრეთ ნაწილში აშენებული სტადიონი FFR Grand, რომელიც 552 მილიონი დოლარი დაჯდა. ევროპაში ყველაზე დიდი სტადიონი გასართობი ცენტრის ფუნქციებსაც შეითვისებს.

7. გვირაბი London Crossrail

ჯერ კიდევ გრძელდება მეტროპოლიტენის ისტორიაში ყველაზე გრძელი გვირაბის მშენებლობა ლონდონში. 30 კილომეტრი სიგრძის გვირაბი 40-მდე მეტროსადგურით სრულებით მოხსნის მგზავრების გადაყვანის პრობლემებს ბრიტანეთის დედაქალაქში.

8. ჰონკონგ-ჩჟუხაი-მაკაოს ხიდი

ხიდი აშენდა ოთხ წელიწადში და მის აგებაზე 5, 5 მილიარდი ფუნტი სტერლინგი (დაახლოებით 60 მილიარდი ჩინური იუანი) დაიხარჯა. ხიდი დაყოფილია ექვს საგზაო ზოლად და ეყრდნობა 5200 ბურჯს. მშენებლები ირწმუნებიან, რომ კონსტრუქციას შეუძლია გაუძლოს 8-ბალიან მიწისძვრას, ტაიფუნს და 300-ტონიანი ხომალდის შეჯახებას. ხიდის აგებაზე 1000-კაციანი ორი ბრიგადა მუშაობდა.

9. შანხაის ანძა

პროექტის მიხედვით ანძის სიმაღლემ შეადგინა 634 მეტრი, საერთო ფართობი კი 380 ათასი კვადრატული მეტრი. ანძა გახდა ჩინეთში სიმაღლით პირველი და მსოფლიოში მესამე შენობა დუბაიში მდებარე ხალიფა ბურჯის კოშკის (828 მეტრი) და ჯიდაში მდებარე ბურჯ ალ მამლუქის კოშკის (1000 მეტრი) შემდეგ.

10. სამეფო კოშკი ჯიდაში

ბურჯ ალ მამლუკის სახელობის კოშკი, ანუ სამეფო კოშკი საუდის არაბეთის პრინცის ალ-ვალიდ ტიმ ტალალია ბინ აბდულაზიზ ალ-საუდის სახელს ატარებს, ვისი ინიციატივითაც აშენდა ეს ნაგებობა. როგორც საინფორაციო საშუალებები ირწმუნებიან, კოშკის სიმაღლე 1000 მეტრს აღწევს, ხოლო საერთო ფართობი 5, 3 მილიონ კვადრატულ მეტრს; 200 - სართულიან შენობაში განთავსებული იქნება ეკონომიკური, საოფისე, ტურისტული და სასტუმრო ობიექტები.